XWECIHIYA AMÛDÊ CIVÎNA XWE YA ASAYÎ LI DAR XISTIN .
Encûmena xwecihî ya bajarê Amûdê ya bi ser ENKSê ve, li navenda xwe roja Çarşemê 25/6/2025 an, civîna xwe ya asayî lidarxist.
Di destpêkê de,hemû endam hatin bixêrhatin û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hat wergirtin hate nîqaşkirin.
Her wiha tekezî li ser pabendbûna bi civatên asayî û hemû çalakiyan hate kirin.
Di rewşa siyasî de, nûçeyên li qada Sûriyê hatin nîqaşkirin, bi taybetî li ser rewşa kurdî, ku di civînê de encamên konferansa yekrêzî û yekhelwesta kurdî û piştî avakirina şandeya hevbeş a kurdî ji bo danûstandinên ligel hikumeta Şamê, di çarçoveya lêgerîna çareseriya siyasî ya doza kurdî de.
Di civînê de behsa pêşketinên herêmî û navneteweyî, bi taybetî şerê mezin di navbera Îran û Îsraîlê de, û metirsiyên ku ev şer xetereyê li aramîya herêmê tîne, hate kirin.
Di dawiya gotûbêjan de, beşdaran helwesta Encûmena Niştimanî ya Kurdî ya bêdawî ya redkirina şer û banga diyalog û çareseriyên aştiyane wekî vebijêrka stratejîk li ser hemû mijaran piştrast kirin.
Ragihandina ENKSê
Raport:Elî FetahIch
