Roja 1 ê Gulanê, Roja karkerên cîhanê
Roja cîhanî ya karkeran pîroz be û hêviya jiyaneke baştir û parastina mafê wan di hemû waran de dixwazin.
Roja Pênçşemê1 Gulanê ,roja Cejna karker û kedkarên cîhanê ye , di derbarî vê helkeftinê serokwezîrê Herêma Kurdistanê “Mesrûr Barzanî” peyamek belav kirû têde wiha got.
Ku bi germî pîrozbahî li hemû karkerên li Kurdistan, Iraq û cîhanê dikim.
Herwiha got: “Rêz û pêzanîneke min a mezin ji bo ked, erk û beşdariya çalak a karkerên Kurdistanê di pêvajoya avedakirinê, pêşxistin û avakirina binesaziya aborî ya Herêma Kurdistanê de heye.”
Da zanîn jî: “Hikûmeta Herêma Kurdistanê di salên dawî de ji bo baştirkirina şert û mercên jiyana karkeran û parastina mafên wan, gelek hewl dane. Di vî warî de, em pabendbûna xwe bi berevanîkirin û dabînkirina mafên karkeran di warê tenduristî û ewlehiya kar, mafên yasayî û baştirkirina şert û mercên karên wan de, tekez dikin.”
Serokwezîr Mesrûr Barzanî di dawiya peyama xwe de got: “Roja Karkeran a Cîhanî pîroz be û hêvîdar im ku mafên wan her tim parastî bin û tendurist bin.”
Ragihandina ENKSê
Qamişlo
