ROJNAMEVANÊN KURD PIŞTÎ KU TÊKILÎ BI WAN RE HATIBÛ QUTKIRIN HATIN BERDAN.
Rojnamevanên Kurd piştî ku têkilî bi wan re hatibû qutkirin hatin berdan.
Wek tê zanîn têkilî bi rojnamevanên Kurd yên li Sahnaya ya gundewarê Şamê re hatibû qutkirin.
Rojnamevan Akrem Salih, nûçegîhanê kanala CH8 û fotograf Cûdi Hac Alî roja Çarşemê,30/4/2025an dema ku ew ji bo nûçegihandina bûyerên li Sahnaya ya gundewarê Şamê , têkilî bi wan re hatibû qutkirin.
Herwiha tora Rojnamevanên Kurdên Sûrî daxwaz ji wezaretên ragihandin û navxweyî yên hikûmeta Sûrî, hêzên ewlekarî û leşkerî yên peywendîdar kir ku demûdest tevbigerin da ku cihê wan eşkere bikin û hewldanên herî mezin bikin da ku wan bibînin û ewlehiya wan misoger bikin.
Rojnamevanan di daxuyaniya xwe de got ku “wendabûna rojnamevanan di dema karê rojnamevaniyê de, pêşbîneke xeter e û binpêkirina azadiya ragihandinê ye, ku li gor Daxuyaniya Qanûna Bingehîn û peymanên navneteweyî hatiye garantîkirin.
Ji ber vê yekê divê her kes di cih de tevbigerin da ku çarenûsa wan eşkere bikin.
Her wiha di daxuyaniyê de wiha hat gotin: “Em bang li hemû aliyên fermî û ne fermî yên herêmê dikin ku hevkariya me bikin û ti agahiyên ku dikarin bibin sedema diyarkirina çarenûsa wan hevalan, ku bi destûra Wezareta Ragihandinê û ofîsên wê yên ragihandinê kar dikin, pêşkêş bikin”.
Di dawiya daxuyaniya xwe de, rêxistinê got: “Rêxistin bang li rêxistinên medyayê, rêxistinên mafên mirovan yên herêmî û navneteweyî dike ku bi lez hevgirtin bikin û zextê bikin da ku rewşa şaş bi dawî bibe û ewlehiya hevalan û vegera wan a ewle ya li paytexta Şamê misoger bikin”.
Ragihandina ENKSê
Raport:Elî Fetah
