XWECIHIYA DIRBÊSIYÊ CIVÎNA XWE YA ASAYÎ LI DAR XISTIN ….
Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Sêşemê, 25.3.2025an de, civîna xwe ya asayî lidarxistin
Di destpêkê de, kêlîkek bêdeng li ser giyanên pakrewanên Kurd û Kurdistan, û di pêşî de Barzaniyê nemir rawestiyan.Û piştre lîsta kar gengeşe kirin.
Her wiha di civînê de xalên herî girîng ên rojevê hatin nîqaşkirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin,hate xwendin û hate nîqaşkirin.Her wiha bi awayekî zelalmendî hemû çalakiyên heyva Avdarê û bi taybet cejna Newrozê nirxandin.
Di rewşa siyasî de: pêşhatên dawî û pêşhatên siyasî li meydanên navdewletî, navçeyî û navxweyî hatin gotûbêjkirin.
Û bi dirêjahî li ser diyaloga Kurdî-Kurdî û bi taybetî li ser avakirina şandeyeke hevbeş û helwesta siyasî ya yekgirtî ya nûnertiya gelê kurd di danûstandinên bi Şamê re ji bo tesbîtkirina mafên gelê kurd di destûra welêt de û avakirina dewleteke demokratîk û pirreng û ne navendî rawestiyan.
û civîna dawî ya di navbera ENKSê û PYDê bi amadebûna General Mazlum Ebdî û hevpeymaniya navdewletî.
Di dawiya civatê de, serokê xwecihiyê birêz Idrîs Şêx Xelef bi navê xwecihiyê spasiya mamoste Nîzamedîn Elîko kir,li ser kar û xebata wî di hemû çalakiyên xwecihiyê de.
Ragihandina ENKSê
Raport:Elî Fetah.
