TAWANKARAN KEÇA KURD MERYEM SIMO LI STENBOLÊ KUŞTIN.
Sûcdaran keça Kurd Meryem Simo li Stenbolê kuştin.
Li gorî çalakvanê siyasî Mistefa Şêxo, li bajarê Stenbolê yê Tirkiyê, tawankaran keçeke penaber a kurd a Efrînê kuştin û birayê wê jî di wê bûyerê de birîndar bû.
Şêxo got: Roja duşemê 13ê Çileya duyem 2025an, di ronahiya rojê de kesekî nenas avêt ser mala malbateke xelkê gundê ((Ebûdan Upîla)) yê girêdayî navçeya Bilbilê/Efrînê li bajarê Stenbolê û wiha got: Nêzîkî demjimêr 11ê sibehê. Dayik bi yek ji zarokên xwe re ji mal derket, ji bo nûkirina çend kaxezan, du zarokên Ehmed (5 salî) û xwişka wî Meryem (12)salî li malê hiştin. ji ber sarbûna hewayê ew bi xwe re nebirin.
Wî zêde kir: Xwişka mezin ((15 salî)) li ser kar bû, û dayik di katijmêr 4ê êvarî de vegeriya malê û dît ku du zarokên xwe di xwîna xwe de xeniqîne,zaroka wê Meryem gelek caran bi kêrê û bi kevir li serê wê hatiye xistin û birayê wê yê zarok “Ehmed” ji aliyê ku sûcdar têkeve mala wan.
Wî got: Ew bo nexweşxanê hatin veguhestin û pizîşkan karîn zarokê bi navê “Ehmed” rizgar bikin û heta niha jî tê dermankirin, lê mixabin ew zaroka “Meryem” canê xwe ji dest daye.
Şêxo behsa wê yekê kir: Bavê wan zarokan Cîhad Simo diçû Almanyayê û dayîk ligel çar zarokên xwe dijiyan.
Polîs hîna li ser tawan û sedemên wê lêkolînê dike û guman li derdora kesekî ku cîranê malbatê ye tê kirin.
Ajansa “DHA” ya taybet a Tirkiyê roja Sêşemê ragihand ku gumanbarê bi navê Zakariya A. (51 salî) di lêkolînên polîsan de li xwe mikur hat ku zaroka Sûriyê Meryem kuştiye û birayê wê Ehmed (5 salî) jî birîndar kiriye, piştî ku bi mebesta temîrkirina elektrîkê ket malê.
Ragihandina ENKSê
Raport: Elî Fetah
