YEKÎTIYA EWROPAYÊ NÛNEREKÎ TAYBET JI BO SÛRIYÊ DESTNÎŞAN KIR.
Yekîtiya Ewropayê nûnerekî taybet ji bo Sûriyê destnîşan kir
Rojnameya “Il Foliyo” ya Îtalî tekez kir ku hikûmeta Îtalî Yekîtiya Ewropayê razî kiriye ku nûnerekî taybet bo Sûriyê destnîşan bike û balyozê berê yê Nemsa li Tirkiyê û Misrê,Kirîstiyan Bîrger jî bo wê postê destnîşan bike.
Di raporekê de, rojnameya Îtalî ya “Il Folio” ragehand ku, nûnerê siyaseta derve yê Yekîtiya Ewropayê Jozîb Borîl, dîplomatê Nemsawî, Kirîstiyan Bîrger, weke nûnerê nû yê taybet bo Yekîtiya Ewropayê li Sûriyê destnîşan kir.
Rojnameyê diyar kir ku Bîrger, ku balyozê Yekîtiya Ewropayê li Tirkiyê û niha li Misirê kar kiriye û xwe amade dike ku piştî bidawîbûna peywira xwe ya li wir çar sal berê derkeve, xwedî ezmûneke dirêj di karûbarên Sûriyê de ye.
Rojnameyê destnîşan kir ku biryara Yekîtiya Ewropî ji bo destnîşankirina nûnerekî taybet ji bo Sûriyê di encama xebatên dîplomatîk ên Îtalyayê de li Brukselê hat, li ser wê yekê ku Îtalya wek navenda manora normalkirina peywendiyan bi serokê rêjîma Sûriyê Beşar Esed ,re tê dîtin.
Rojnameya Îtalî amaje bi wê yekê jî kir, ku pêngava bê dê, razîkirina Şêwirmendê Almanî Olaf Şoltez be, ji bo “naskirina deverên ewle li Sûriyê” ji bo vegerandina penaberan ji wan re, û tekez kir ku Almanya “ji bo danûstandinan bi Esed re derbarê koçberan de jî vekirî ye”.
Komîsyona Ewropî roja Duşema borî ragihand ku ew kar dike, ji bo destnîşankirina şandekî taybet ji bo Sûriyê, di nav hewlên heşt welatên endamên Yekîtiya Ewropî de ji bo vegerandina danûstandinê bi rêjîma Sûriyê re ji bo teşwîqkirina vegera penaberan.
Ragihandina ENKSê
Raport:Elî Fetah
