ŞANDERÊ TAYBET Ê NY BO SÛRIYÊ DAXWAZA AZADKIRINA BERFIREH A GIRTÎ Û KESÊN WINDA LI SÛRÎ DIKE.
Şanderê taybet ê NY bo Sûriyê daxwaza azadkirina berfireh a girtî û kesên winda li Sûriyê dike.
Şanderê taybet ê NY bo Sûriyê daxwaza azadkirina yekalî ya berfireh kir û ji hemû aliyan xwest ku agahiyan bi malbatan re parve bikin.
Nûnerê Taybet yê Neteweyên Yekbûyî bo Sûrîyê Gêrî Pederson, li ser rûpela xwe ya fermî ya Platforma “X” ragihand ku ew di Roja Navneteweyî ya Qurbanîyên Windabûnên Neçarî de banga azadkirina berfireh û yekalî dike, bi taybetî jî azadkirina jin, zarok, kal û pîr û nexweşan.
Pederson anî ziman ku ew bang li hemû aliyan dike ku agahiyan bi malbatan re parve bikin.
Nûnerê Taybet ê Neteweyên Yekbûyî ji bo Sûriyeyê diyar kir ku ew bi malbatên girtî û windayan ên li Sûriyeyê re hevdîtin kirine.
Wî berdewam kir ku malbatan çîrokên trajîk, bi êş û xemgîn parve kirin. Pederson diyar kir ku ew ji malbatên girtiyan û windayan re soz daye ku di vê dosyayê de pêşde biçin û bi hemû aliyên pêwendîdar re ji nêz ve biaxivin.
Tora Sûrî ya Mafên Mirov di raportekê de got ku herî kêm 157,634 kes, di nav wan de 5,274 zarok û 10,221 jin (jinên mezin), hîn jî ji aliyê aliyên şer li Sûriyê ve ji Adara 2011an heta Tebaxa 2024an di bin desteserkirinê de ne, yan bi zorê hatine windakirin.
Torê diyar kir ku rêjîma Sûriyê berpirsiyariya herî mezin e ji qurbaniyên binçavkirin û windakirina bi zorê, bi 86.7% ji hejmara giştî.
Ragihandina ENKSê
Raport:Elî Fetah
