Ciwanên Şoreşger zarokek ji Til Temir revand
Hêzên Ciwanên Şoreşger yên bi ser PYDê ve, di berdewamiya siyaseta tirsandina zarokan, talankirina zarokatiya wan û avêtina wan bo kampên leşkeriya neçar li deverên ku di bin kontrola wan de ne, zarokekî temen biçûk li bajarokê Til Temrê revand.
Ebdil Semed Kîkiye bavê zarokê revandî bi navê “Wesîla Ebdulsemed Kîkiyê” got: Çekdarên Tevgera Ciwanên Şoreşger keça min a biçûk “Wesila” ku (16) salî ye, revandin. roja çarşemê (28.2.2024) demjimêr heştê sibê,dema diçû dibistana Ednan El-Malikî li taxa El-Hemra û li wir di sala yekem a amadeyî de dixwend.
Ebdulsemed Kîkiyê eşkere kir ku hevalên Wesila li dibistanê piştî saetekê ji revandinê me agahdar kirin û ji wê demê ve em serdana hemû navend û dezgehên Asayîşê yên girêdayî rêveberiya PYDê û Hêzên Sûriya Demokratîk kirine bê encam.Û hebûna wê înkarkirin.
Wek tê zanîn Fermandarê Hêzên Sûriyeya Demokratîk Mezlûm Ebdî di sala 2019an de bi nûnera Neteweyên Yekbûyî ya ji bo zarokan û şerê çekdarî Vîrgîniya Gamba re planeke pabendbûnê îmze kir ku dawî li leşkerkirina zarokên di bin 18 saliyê de bigire û nehêle leşkerkirina zarokên di bin temenê 18 salî de were bikaranîn.
Li gorî çavdêriyan Rêxistina Ciwanên Şoreşger armanc dike ku zarokên biçûk birevîne, li gorî berjewendiyên PKKê mejiyê zarokan bişon, wan ji aliyê leşkerî ve bike nav refên partiyê.
Ragihandina ENKSê
Raport: Elî Fetah.
