XWECIHIYA ROJAVA YA HESEKÊ BI BEŞDARBÛNA ENDAM Û SEROKÊ OFÎSA KARÛBARÊN XWECIHIYAN YÊN BI SER ENKSÊ VE CIVÎNA XWE YA ASAYÎ LI DAR XISTIN.
Xwecihiya Rojava ya Hesekê ya bi ser ENKSê ve,li bajarê Hesekê di roja yekşemê 29.10.2023an de,bi beşdarbûna serokê ofîsa karûbarê encûmenên xwecihî M.Neşet Zaza û endamên ofîsa karûbarên encûmenên xwecihî civîna xwe ya asayî lidarxistin.
Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.
Di warê rêxistinî de jî raporta ku ji nivîsgeha encûmenên xwecihî hatibû wergirtin hate xwendin û bi awayekî zelalmendî hat şirovekirin.
Di rewşa rêxistinî de: Nirxandina endaman li ser mekanîzmaya xebata xwecihiyê û awayên pêşxistina wê bi hevkarî di navbera endaman de.
Di rewşa siyasî de: Mamoste Neşet Zaza, serokê Nivîsgeha Karûbarên Encûmenên Xwecihî, çend mijarên siyasî nirxand, û helwesta Encûmena Niştimanî ya Kurdî li ser wan, li ser asta niştimanî ya kurdî, sûrî û herêmî nîşan da.
Zaza di axaftina xwe de behsa serdana vê dawiyê ya Serokatiya Encûmena Niştimanî ya Kurdî bi Herêma Kurdistanê re, civîna wê ya li gel deshilatdariya niştimanî birêz Serok Mesûd Barzanî û ew piştevaniya ku Herêma Kurdistanê bi hemû astên pêşkêşî gelê me kiriye û dike.
Her wiha Zaza behsa giringiya hebûn û nûnertiya Encûmena Niştimanî ya Kurdî di nav deste û saziyên opozisyonê de kir, û ew riya Encumenê ye ji bo beşdariya di piroseya siyasî û çareseriya siyasî de li gor biryarên navdewletî yên pêwendîdar bi taybet biryara 2254.
Ragihandina ENKSê
Raport:Elî Fetah
