XWECIHIYA BARZANIYÊ NEMIR (TIL TEMIR Û EBÛ RASÊN )
BI BEŞDARBÛNA ENDAM Û SEROKÊ OFÎSA KARÛBARÊN XWECIHIYAN
YÊN BI SER ENKSÊ VE CIVÎNA XWE YA ASAYÎ LI DAR XISTIN.
Xwecihiya Barzaniyê Nemir (Encûmena xwecihî ya bajarê Til Temir û Ebo Rasên) yên bi ser ENKSê ve,li bajarê Til Temir di roja yekşemê 29.10.2023an de,bi beşdarbûna serokê ofîsa karûbarê encûmenên xwecihî M.Neşet Zaza, birêz Ebdulbaqî Ferman û birêz Ferhad Şêxo ji endamên ofîsa karûbarên encûmenên xwecihî û hemû endamên herdu xwecihiyan civîna asayî lidarxistin.
Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.
Di warê rêxistinî de jî raporta ku ji nivîsgeha encûmenên xwecihî hatibû wergirtin ji aliyê serokê xwecihiya Til Temir birêz Qasim Ehmed ve hat xwendin û ji aliyê serokê ofîsa karûbarên encûmenên xwecihî tekezî li ser pêwîstiya aktîvkirina Encûmena Niştimanî ya Kurdî di nav pêkhateyan kir. Herwiha tekezî li ser pabendbûna bi biryarên Encûmena Niştimanî ya Kurdî û Emîndariya giştî ya wê kir.
Di warê siyasî de jî,birêz Neşet Zaza behsa dawî pêşhatên siyasî li qada navdewletî, herêmî û navxweyî kir, bi taybetî rewşa giştî ya Sûriyê, rawestandina proseya siyasî û kêmbûna berjewendiya navdewletî ji doza Sûriyê re.
Herwiha Zaza tekezî li ser rewşa giştî ya Encûmena Niştimanî ya Kurdî û rola wê di nava refên opozisyonê de weke pêkhateyekî bingehîn û hevparê parastina mafên neteweyî yên gelê kurd kir, pirsa kurdî kir yek ji dosyayên bingehîn ên li ser forumên navdewletî. , Zaza behsa rewşa Kurdistana Sûriyê û xerabtirbûna rewşa jiyanê kir.
Zaza bi berfirehî behsa rewşa gelê me li Efrîn, Girê Spî û Serêkaniyê kir, ji ber binpêkirinên ku ji aliyê hin komên çekdar yên bi ser dewleta Tirkiyê ve.
Ragihandina ENKSê
Raport:Elî Fetah
