Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Şemiyê 3.6.2023an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Û piştre serokê xwecihiyê M.Idrîs Şêx Xelef,behsa rewşa siyasî û pêşhatên dawî yên di qada siyasî ya Sûriyê de kir.
Di civatê de, endaman rewşa siyasî li ser astên Sûriyê, kurdî û herêmî û encamên kirîza Sûriyê û asayîkirina welatên erebî ligel rêjîma Esed gotûbêj kirin.
Û beşdariya Esed di civîna bilind a erebî de li Cide, û pêwîstiya yekrêziya opozîsyona Sûriyê ji bo rûbirûbûna kêşeyên li pêşiya şoreşa Sûriyê jî hat gengeşe kirin.
Li ser asta navxweyî jî, endaman yekdestdariya hin madeyên xwarinê wek şekir ji aliyê saziyên ser bi rêveberiya Partiya Yekîtiya Demokrat ve şermezar kirin, bi taybetî piştî girtina deriyê Sêmalka yê bi Herêma Kurdistana Iraqê re.
Herwiha serokatiya nû ji bo encûmena xwecihî hate hilbijartin, ku her M.Hemîd Temê wek serokê encûmena xwecihî li Dirbêsiyê,û xanim Sû’ad Osê û birêz Ela Şêxmûs wek cîgirên wî hatin hilbijartin.
Di dawiyê de,serokatiya Encûmenê spasiya endamên Encûmenê û hesta berpirsyariya wan kir.
- Ragihandina ENKSê
Raport:Elî Fetah
