Her Sal di 1ê avdarê de,gelê Kurd li seranserî Cîhanê bîranîna koça dawî ya bavê neteweya Kurd Mela Mistefa Barzanî vedijînin.
Îro di roja Sêşemê 1.3.2022an de, bîranîna salvegera 43ê yemin li ser koçkirina dawî ya Barzaniyê nemir hat vejandin, Ji aliyê xwecihiya bajarê Dêrikê ya bi ser ENKSê ve, li ofîsa Xwecihiyê.
Herwiha bi beşdarbûna kesayetên serbixwe û nûnerên civaka sivîl û rewşenbîr, nûnerên partiyên siyasî û kesayetên civaknasî û olî , herwiha bi beşdarbûna rêxistinên jinan û ciwanan û xwendekaran jî.
Herwiha bi beşdarbûna xelkên herêma bajarê Dêrikê û gundewarê wê.
Di destpêkê de,mamoste Welîd Ferman bi navê encûmena xwecihî ya bajarê Dêrikê ya bi ser ENKSê ve, bixêrhatina mêvanên beşdar kir.
Piştre xulekek bêdeng li ser giyanên pakrewanên Kurd û Kurdistan û bi taybet li ser giyanê Barzaniyê nemir rawestiyan bi sirûda neteweyî Ey Reqîb.
Piştre behsa qonaxên dîrokî yên têkoşîna Barzaniyê nemir Kir.
Piştre hin axaftin hatin xwendin di derbarê vê bîranînê de.
gotina ENKSê ji aliyê mamoste Dr.Isma’îl Mîro ve hat xwendin.
gotina ENKSê di derbarê kurtejiyana Bavê neteweya kurd de bû , Barzaniyê namir û di derbarê kar û xebata wî de bû ya xwediyê piroja neteweyî ya Kurdî bû.
Herwiha gotina PDKSê ji aliyê parêzera Besa Ebdî endama Komîteya Navendî ya PDKSê ve hate pêşkeş kirin û balkişand li ser rola Barzaniyê nemir û tekoşîna wî ya berdewam di xizmeta gelê Kurd û doza netewî de.
Ragihandina ENKSê
Raport:Elî Fetah û Hêvî Delî
