المجلس الوطني الكوردي في سوريا

ŞAH SELMAN, BEŞAR ESED VEDIXWÎNE KU BEŞDARÎ LÛTKEYA KOMKARA EREÎ BIBE.

0 73

Roja Çarşemê serokê rejîma Sûriyê Beşar Esed vexwandinek ji Welîehdê her du Mizgeftên Pîroz, Şah Selman Bin Ebdulezîz wergirt, ji bo beşdarbûna di civîna bê ya Komkara Erebî de li Cedê ya Erebistana Siûdî.

Li gor nûçeya ajansa nûçeyan a rejîma Sûriyê (SANA), Beşar Esed vexwendname ji şah Selman wergirtiye ji bo beşdariya li 32mîn civîna Encûmena Komkara Erebî li ser asta lûtkeyê ku wê di 19ê Gulanê de li Cedê were lidarxistin.

SANA ragihand ku vexwendname ji aliyê Balyozê Erebistana Siûdî li Urdunê Nayîf El-Sûdeyîrî ve hatiye ragihandin.

Wê her wiha got ku Esed silav û spasiyên xwe ji bo vexwendina Şah Selman spartiye El-Sudayirî û got: “Lûtkeya Erebî ya ku li Erebistana Siûdî tê lidarxistin dê çalakiyên hevpar ên Ereban ji bo bidestxistina daxwazên gelên Ereb zêdetir bike.”

Ev bangewazî tê piştî wê yekê ku wezîrên derve yên Ereb roja Yekşema borî (biryara jimare 8914) derbirîn û tê de ragihandin ku “vegerandina beşdarbûna şandên hikûmeta Sûriyê di civînên Encûmena Komkara Dewletên Erebî û hemû sazî û dezgehên girêdayî wê, ji 7ê Gulana 2023an pê ve.”

Herwiha biryara wezîrên derve yên Erebî amaje bi wê yekê kir ku pejirandina vegerandina rêjîma Sûriyê bo ser kursiya xwe di Komkara Erebî de li ser bingeha erêkirina berê ya “pabendbûna bi encamên civîna Emanê ya ku di 1ê Gulanê de pêk hat bû”.

Hêjayî gotinê ye ku ev geşedan piştî guhertina helwêsta Siûdiyê li hember rêjîma Sûriyê hatin, ku şahidiya guhertinên ku bi zelalî piştî erdheja wêranker li Sûriyê û Tirkiyê di 6ê sibata borî de qewimî, derketin holê.

Ji bo cara yekê Erebistana Siûdî destpêşxeriya şandina alîkariyan bo navçeyên di bin kontrola rêjîmê de bi rêya firokeyên ku li firokexaneyên Heleb û Şamê danî.

 

Ji destpêka şoreşa Sûriyê ve, di sala 2011an de, Erebistana Siûdî helwesteke tund li hember rêjîma Sûriyê girtiye û têkeliyên xwe ligel wê qut kiriye, û zêdetir ji carekê tekezî li ser pêwîstiya çûna Beşar Esed ji desthilatê kiriye, û herwiha tekez kiriye. piştgirî da tevgerên opozîsyona Sûriyê.

Lê di 23ê Adara borî de, Wezareta Derve ya Erebistana Siûdî ragihandibû ku ew bi rêjîma Sûriyê re danûstandinan dikin ji bo vegerandina xizmetguzariyên konsulxaneyê di navbera wan de, da ku rêjîm îro vegere Komkara Erebî û bi rêya portala Siûdiyê.

 

Sûriye TV

 

Ragihandina ENKSê

Raport:Elî Fetah

Leave A Reply

Your email address will not be published.