XWECIHIYA DIRBÊSIYÊ BI BEŞDARBÛNA ENDAMÊN OFÎSA KARÛBARÊN XWECIHIYAN CIVÎNA XWE YA ASAYÎ LI DAR XISTIN ..

Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Îniyê, 27.10.2023an de,bi beşdarbûna endamên ofîsa karûbarên xwecihiyên bi ser ENKSê ve M.Zibêr Mûsa û birêz Ferhad Şêxo civîna xwe ya asayî lidarxistin

Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.

Herwiha di civînê de xalên herî girîng ên rojevê hatin nîqaşkirin.

Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin,ji aliyê serokê xwecihiyê birêz Ebdulhemîd Temo ve hat xwendin û hate nîqaşkirin.

Û karê xwecihiyê bi awayekî bilind hat nirxandin ji aliyê endamên ofîsa karûbarên encûmenên xwecihî yên bi ser ENKSê ve.

Di rewşa siyasî de:M.Zibêr Mûsa,pêşhatên dawî û pêşhatên siyasî li meydanên navdewletî, navçeyî û navxweyî gotûbêjkir.Herwiha rewşa ENKSê jî hat gengeşekirin.

Di civatê de,biryara rêveberiya PYDê ya bilindkirina nirxê mazotê, ku dibe sedema bilindkirina nirxê hemû kelûpelan,ya ku zirareke cidî li jiyana mirovan dike.Ji ber bilindbûna nirxê dolar û rewşa dijwar a jiyanê, ku xeniqandina welatiyan zêde dike û wî neçarî koçberiyê dike,hate gotûbêjkirin.

Di dawiyê de,endamên ofîsa karûbarên encûmenên xwecihî yên bi ser ENKSê ve,spasiya hemû endamên xwecihiya Dirbêsiyê kirin li ser kar û xebata wan ya piroja netewî..

Ragihandina ENKSê

Raport:Elî Fetah