المجلس الوطني الكوردي في سوريا

NETEWEYÊN YEKBÛYÎ:ALÎKARIYA JI BO SÛRIYAN LI LUBNANÊ DÊ VEGERE MEKANÎZMAYA BERÊ.

0 72

Komîseriya Bilind a Penaberan a Neteweyên Yekbûyî (UNHCR) duh Çarşemê piştrast kir ku alîkariyên darayî yên ji bo penaberên Sûriyê yên li Lubnanê bi awayekî hertimî nayên rawestandin, belku dê vegerin ser mekanîzma berê.

Berdevka Komîseriya Bilind a Penaberan a Neteweyên Yekbûyî got ku mekanîzmaya kevin dê pesendkirina alîkariyan bi diravên Lubnanî bi rêya bankan bi cih bîne, heya ku şêwirdarî li ser tedbîr û mekanîzma ku dê were şopandin, derbarê dayîna alîkariyan pêk were.

Herwiha UNHCR hebûna pêwendiyê di navbera belavkirina alîkariyan bi lîreyên Libnanî û fişarên hikûmeta Libnanê ji bo radestkirina daneyên penaberên Sûriyê red kir û tekez kir ku “du mijar bi tevahî ji hev cuda ne”.

Herwiha amaje bi wê yekê jî kir ku alîkariyên jiyanê ji bo penaberên Sûriyê berdewam in û nayê rawestandin, ji ber ku şert û mercên jiyanê yên pir dijwar hene, û malbat hene ku deynan kom dikin, û malbatên ku tu jêdereke din a dahatê tune ye, da ku karibin pêdiviyên xwe yên bingehîn ewle bikin.”

Wê destnîşan kir ku “alîkariya diravî hate pejirandin ji ber ku ew rê dide penaber û kesên herî mexdûr ku biryar bidin pêşanî û hewcedariyên xwe yên bingehîn, ji bo xwe û malbatên xwe”.

 

Hat îdiakirin ku alîkariya diravî dê bibe sedem ku penaber li Lubnanê bimînin.

 

Û berdevka Komîseriya Bilind a Netewên Yekgirtî bo Karûbarên Penaberan li Libnanê, Lîsa Ebû Xalid, di daxuyaniyên berê de tekez kir ku “ji sala 2011an heta niha ti Sûriyeyiyek bi dolar pere wernegirtiye, û tiştê ku distîne bi lîreyên Lubnanî (du milyon û nîv distîne. lîreyên Lubnanî, her mehê ji her malbatekê re 26 dolar e).”

 

Wek tê zanîn hejmara penaberên Sûriyê li Lubnanê 1.8 milyon e, li gor texmînên Lubnanê nêzîkî 880 hezar ji wan li Komîseriya Bilind a Penaberan a Neteweyên Yekbûyî hatine tomarkirin.

 

 

Ragihandina ENKSê

Raport:Elî Fetah

Leave A Reply

Your email address will not be published.