NAVEROKA CIVÎNA XWECIHIYA EBÛ RASÊN YA ASAYÎ.
Encûmena xwecihî ya bajarê Ebû Rasên ya bi ser ENKSê ve, li navenda xwecihiya Til Temir di roja Îniyê 28.10.2022an de, civîna xwe ya asayî lidarxist.
Di destpêkê de,hemû endam hatin bixêrhatin ji aliyê birêz Mihemed Şêx Beşîr serokê xwecihiyê ve û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di derbarê naveroka civînê de,Serokê xwecihiya Ebû Rasên birêz Mihemed Şêx Beşîr ji malpera me ya ENKSê re ragihand û anî ziman:
“Em wek xwecihiya Ebû Rasên ya bi ser ENKSê ve,di roja Îniyê 28.10.2022an de,me civîna xwe ya asayî li navenda xwecihiya Til Temir lidarxist.Û mijarnî giring hatin gengeşe kirin”.
Herwiha Şêx Beşîr got:” Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Û piştre xwecihiyê behsa rewşa siyasî û pêşhatên dawî yên di qada siyasî ya Sûriyê de kir.
Tiştê ku herêm tê re derbas dibe di warê pêşhatên navdewletî û navçeyî û şopandina hemû rewşa Sûriyê û gefa Tirkiyê ya şer û dagîrkirina navçeyên din ên Kurdistana Sûriyê”.
Herwiha serokê xwecihiyê got:
” Civat bi awayekî berfireh,rawestiya li ser liv û tevgera rewşa Zirganê ji aliyê kêmbûna xizmetwarî û tinebûna pêdiviyên bingehîn û yên pêwîst ji bo jiyana rojane û di nav de,li ser rewşa ewlehî jî hat gengeşe kirin”.
Herwiha serokê xwecihiyê got:
“Di civînê de sedemên koçberiya berdewam a nifşê ciwan û sedemên wê ji Kurdistana Sûriyê ber bi welatên Ewropî ve, hatin gotûbêjkirin”.
Herwiha di civînê de,çend mijar hatin gengeşekirin, ew jî:
-Yazdehemîn salvegera damezrandina Encûmena Niştimanî ya Kurd li Sûriyê.
-Serdana nûnerê Bilind ê Wezareta Derve ya Amerîkayê Nîkolas Giranger
navenda ENKSê li bajarê Qamişlo û bi Serokatiya wê re civiya.
-Îrîşa çekdarên Tehrîr Şam (Cebhete Enesra) li ser herêma Efrînê / encamên wê yên talankirin, koçberkirin û kuştina sivîlan.
-Êrîşa Ciwanên Şoreşger yên bi ser PYDê ve, li ser baregeha Neteweyên Yekbûyî û mala xanim Fesla Yûsif û mala birêz Mehmûd Ocê.
-Sêyemîn salvegera êrîşkirina dewleta Tirk li ser Serê kaniyê û Girê Spî.
Ragihandina ENKSê
Raport:Elî Fetah