Li Qamişlo Pakrewanên 12ê Adarê hatin bibîranîn….

Roja yekşemê “12 ê” Avdara “2023” an, demjimêr” 11″nîvro, li beramberî nivîsgeha PDK-Sê , ya Rojhilatî Qamişlo, bi boneya salvegera” 19″ emîn li ser derbasbûna serhildana” 12″ Avdarê,

Encûmena xwecihî ya Rojhilatî Qamişlo meşek li darxist.

û ev yek bi hazirbûna hejmerek ji milet û bi amadebûna nûnerên partiyên siyasî û encûmena niştîmanî û herwiha rêxistinên jin û ciwanan..

Di destpêkê de xuleke bê deng rewestiyan li ser giyanê pakrewanê Serhildana 12ê Avdarê,û hemû pakrewanên kurd û kurdistanê û serwerê wan Barzaniyê nemir, û piştî wê cemawer berê xwe dan goristana Qidûrbek “, û gurzên gulan li ser gora pakrewanan danîn..

Û di derbarê vê salvegerê de gotina Encûmena Niştîmaniya kurdî li Sûriya ji aliyê endamê desteya serokatiya ENKSê M,Mihemed Ismaîl ve hate xwendin ..

Û herwiha gotina malbatên şehîdan ji aliyê M,Xoşnav Şikir ” ve hate xwendin…

Û helbestvan Torcîn Reşwanî helbestek li ser şehîdan pêşkêşkir . .

Û tê zanîn ku di roja “12”Avdara” 2004″ an, di lîstika footbolê de, di navbera Tîma Cîhad ya Qamişlo, û Tîma Fitiwê  ya Dêrezorê, û herwiha alîgirên Tîma Fitiwê yên erebên şofînî û bi piştgirtiya rêjîmê bi hin çekên curbicur êrîş bi ser welatiyên kurd ên alîgirê Tîma Cîhad kirin.

Û di encama wê erîşê de li seranserî deverên kurdistana Sûriyê welatiyên kurd derketin xwepêşendanan, Lê rêjîmê bi tundî bersiva wan da û bi sedan kes birîndar bûn û herwiha bi hezaran hatin binçavkirin û bi dihan şehîd ketin.

Û herwiha ji ber vê yekê her sal êvara “12 ê “Avdarê de, her sal mûm ji aliyê gelê kurd ve tê vêxistin li pêşiya mal û kolanên xwe, ji bo bîranîna pakrewanên serhildana ” 12 ê “Avdarê,…

Ragihandina ENKSê

Raport: Hêvî Delî