Home / Uncategorized / Civîna Serokatiya Herêma Kurdistanê li ser hilbijartinên herêmê bi rê ve çû…

Civîna Serokatiya Herêma Kurdistanê li ser hilbijartinên herêmê bi rê ve çû…

Roja Çarşem 10ê Tebaxa 2022an, bi serpereştiya Serokê Herêma Kurdistanê Nêçîrvan Barzanî û bi amadebûna Nûnera Sekreterê Giştî yê Neteweyên Yekbûyî li Iraqê Jeanine Hennis-Plasschaert, civînek li ser hilbijartinên Herêma Kurdistanê bi aliyên siyasî yên Kurdistanê re hat kirin.

Di daxuyaniya Serokatiya Herêma Kurdistanê de hat gotin, “Di destpêka meha Îlonê de, civîna dawî ya ji bo çareserkirina hemû pirsgirêkên girêdayî hilbijartinan û çareserkirina pirsgirêkên li pêş proseyê dê were lidarxistin, heta wê demê Serokatiya Herêma Kurdistanê û aliyên siyasî bi alîkariya tîma pispor a UNAMI di gotûbêj û amadekariyan de dê berdewam bin.”

Serokê Hikûmeta Herêma Kurdistanê spasiya aliyên di civînê de kir ku bersiva vexwandinê dane û hêvî kir ku aliyên siyasî ji bo diyarkirina roja hilbijartinan û çareserkirina pirsgirêkan bigihin rêkeftinekê.
Di hevdîtinê de Jenine Plaschardt behsa girîngiya lihevkirina li ser mijara hilbijartinan û diyarkirina dema hilbijartinan kir û piştgiriya Neteweyên Yekgirtî ji bo serkeftina proseyê diyar kir. Her wiha tekezî li ser wê kir ku, “Divê ew di demeke kurt de bigihin encamekê ji ber ku demeke zêde nema di destê me de.”


Ragihandina ENKS ê
Qamişlo…Hêvî Delî

About Raid Mihemed

Check Also

36 Sal ser koça dawî ya endeziyarê şoreşa kurdistanê ” Idrîs Barzanî” ve derbas dibe..

Endezyariyê kurdistanê û kesayetiyê niştîmanperwer û welatparêz “Îdrîs Barzanî”, ku di sala 1944an li gundê …

Leave a Reply

Your email address will not be published.