المجلس الوطني الكوردي في سوريا

BALAFIRÊN ISRAÎLÊ NUQTEYÊN LEŞKERÎ LI BAKURÊ TERTÛSÊ KIRIN ARMANC.

0 99

BALAFIRÊN ISRAÎLÊ NUQTEYÊN LEŞKERÎ LI BAKURÊ TERTÛSÊ KIRIN ARMANC.

 

Balafirên Israîlê nuqteyên leşkerî li bakurê Tartousê kirin armanc

 

Hevdem ligel hatina du gemiyên Îranê bo beravên Sûriyê, firokeyên Îsraîlê xalên leşkerî li bajarê Baniyas li bakurê Tertûsê kirin armanc.

 

 

Li gor nûçeya ajansa SANA ya rejîma Sûriyê, piştî nîvê şeva Yekşemê – Duşemê 8 û 9ê Tîrmeha 2024an, firokeyên Îsraîlê êrîşeke asmanî li ser yek ji xalên derdora bajarê Baniyas li bakurê Tertûsê pêk anîn û di encamê de,hin windahiyên madî.

 

 

Ji aliyê xwe ve, hesabên medyaya xwecihî li ser torên civakî ragihandin ku êrîşên Îsraîlê xaleke leşkerî li devera Ereb Elmelek ber bi peravê bajarê Baniyasê kirin armanc.

 

 

Da zanîn ku êrîşan sîstemeke berevaniya asmanî ya milîsên Îranî kirin armanc, hevdem ligel gihîştina du gemiyên Îranî bo bendera Laziqiyê.

 

Di 29ê Gulana 2024an de, bombebaraneke Israîlî taxeke niştecihbûnê li bajarê Baniyas kir armanc, çend deqîqe piştî êrîşên asmanî parêzgeha Humsê li navenda Sûriyê armanc kirin, û di encamê de kuştî û birîndar di nav rêzên milîsên Îranî de hebûn.

 

 

 

Ragihandina ENKSê

Raport:Elî Fetah

Leave A Reply

Your email address will not be published.