AMÛDÊ : ŞANDEK JI TEVGERA ÇAKSAZIYA KURDÎ LI SÛRIYE SERDANA OFÎSA XWECIHIYA AMÛDÊ KIR YA BI SER ENKSÊ VE…
Di roja sêşemê 20.10.2020an de,şandek ji Tevgera Çaksaziya Kurdî li Sûriye bi serokatiya mamoste Kazim Xelîfê endamê ofîsa cîbicîkar ya TÇKS ,
û hin ji endamên TÇKS, serdana ofîsa encûmena xwecihî ya bajarê Amûdê kirin ya bi ser ENKSê ve,bi boneya vekirina ofîsa xwecihiyê û pîrozbahiya wê.
Herwiha şanda TÇKS hat pêşwazîkirin ji aliyê serokê xwecihiya bajarê Amûdê birêz Mihemed Omer Şêxmûs û hin endamên xwecihiyê.
Di derbarê vê yekê de,mamosta Fatma Salih endama Xwecihiya bajarê Amûdê ji malpera me ya ENKSê re ragihand û anî ziman:
“Serdana şanda TÇKS bi serokatiya mamoste Kazim Xelîfê endamê ofîsa cîbicîkar ya Tevgera Çaksaziya Kurdî li Sûriye ji encûmena xwecihî ya bajarê Amûdê ya bi ser ENKSê ve,ji bo pîrozbahiya wê bû li ser vekirina ofîsa wan ji nû ve”.
Herwiha mamosta Fatma Salih got jî :
“Di derbarê vê serdanê de,mamoste Kazim Xelîfê ji şanda TÇKS axivî û hemû bûyer û pêşketinên herî dawî yên siyasî anî ziman û bi taybet bi awayekî berfire li ser pêşketinên herî dawî ji danûsitendinên Kurdî yên tên kirin di navbera ENKSê û PYNKê de”.
Herwiha mamosta Fatma Salih di dawiya axaftina xwe de got ku herdû aliyan hemû mijarên hatin şirovekirin,baş li ser hat gengeşekirin bi awayekî pirs û bersiv”.
Ragihandina ENKSê
Raport : Elî Fetah