Di roja îniyê 3.12.2021ê de, têkoşer Xalid Meşayix li Almaniya, koça dawî kir, ku piraniya jiyana xwe ji bo xizmeta doza Kurdî terxan kiribû, û nêzîkî 10 salan di zindana çekdarên rêjîma Sûriyê de mabû.
-Kurte jiyana têkoşer Xalid Meşayix.
• -Têkoşer Xalid Meşayix, di sala 1937an de li Derikê ji dayik bûye û eslê wî ji devera Şernex a gundê Naviyan e.
-Di temenê xwe yê biçûk de, karê siyasî kir, endamê navdar ê encûmena Ciwanên Demokrat ên Kurd bû, û bi komek hevalên xwe yên berê yên wekî “Elî Abdo, Mihemed Ehmed, Samî Mela Ehmed Namî, Ekrem Xebaz, û Abdullah Mella Elî û yên din, karê siyasî dikir”
Dema ku yekemîn partiya kurdî li Rojavayê Kurdistanê hat damezrandin, bi hevalên xwe re bê şert û merc tevlî wê partiyê bû, û di têkoşîna xwe de çendîn caran ji aliyê rêjîma Sûriyê ve, hat girtin û bi giştî nêzîkî 9 sal û nîvan zîndana wî bû, ji bilî ku çend salan li peyî wî hat gerandin, lewma li gundên Alian û devera Senceqê li rojhilatê Qamişlo, xwe vedişart.
Yek ji wan tîman bû ku çepa Kurd damezrandibû, ku li ser rêya Barzanî bû, û di sala 1965ê de endamê danûstandinan bû, ku ji aliyê bavê netewa kurd, Mistefa Barzanî ve, li ser nakokiyên wê partiyê hatibû erkdarkirin û çendîn caran hat zîndankirin, ji aliyê rayedarên sûrî ve hat darizandin.
– Di sala 1970ê de beşdarî Konferansa Yekîtiyê ya di navbera her du partiyên partiyê de bû, ku bi navê Kongreya Neteweyî ya Kurdistana Iraqê di bin çavdêriya Barzaniyê nemir de bû, û di wê demê de ji bo komîteya şêwirmendiya partiyê hat hilbijartin.
Têkiliya wî bi Başûrê Kurdistanê û bi taybetî jî, bi Mela Mistefa Barzanî re hebû, piştî ku di sala 1972’an de ji Başûrê Kurdistanê vegeriya, ji aliyê Asayîşa Dewleta Sûriyê ve, li bajarê El-Qesah li Şamê hate girtin û 4 salan li wir ma.
– Di şerê Projeya Kembera Erebî ya qirêj de, li gel hevalên xwe (Deham Mîro, Ebdulhemîd Sino, Mihemed Nezîr Mistefa, Emîn Şêx Gulîn, Mihemed Fexrî, Kenan Egîd, Ehmed Hac Seîd Efendî El-Erebû, Mela Mihemed, Horo Ehmed. Baqî Şêx Mehmûd, Mistefa Ibrahîm, Mehmûd Sebrî, Zekeriya Mihemed, Îlyas Remo, Hesen Ayho, Soro Diqmaq, Ebdela Mela Elî, Hasî) 8 salan di girtîgehên şovenîst ên Behs de man.
-Malbata wî taliya bêpariyê tam kir û piştî derketina wî , weke kesayetekî civakî yê binavûdeng li ser xeta xwe ya netewî berdewam kir.
– Di çûna wî ya lezgîn a Ewropayê de, li Atîna ya paytexta Yonanîstanê qezayek bi serê wî de hat û di encamê de lingê wî şikest û hema hema felc bû.
-Di roja Îniyê 3.12.2021ê de, li Almaniya koça dawî kir..
Ragihandina ENKSê
Raport: Elî Fetah
