Duh bi derengîya şevê li bajarê Kuleco ya ser bi kifrî ya li Germiyanê terorîstên Daîşê êrîşî ser Hêzên pêşmerge kirin..
Û di encema vê êrîşê de 5 pêşmerge şehîd bûn û 4 jî birîndarbûn..
Û navên wan pêşmergeyên ku di êrişa Daişdê de şehîdbûna ev in:
– Ismaîl Mihemed Ferec, Emîn Hisên, Îbrahîm Baram, Aras Semîn, Nebrerd Seîd..
Û herwiha di derbarê êrişa çekdarên Daişê ser Hêzên pêşmerge serokê Herêma Kurdistanê ” Nêçîrvan Barzanî ” peyamek belav kir û têde got:
“Sersaxî pêşkêşî malbatên wan şehîdên qehremanên şeva derbasbuyî dikim ku di dema bihaneveçûna hevsengerên Pêşmergeyan da li tixûbê Kuleco, şehîd bûn û canê xwe gorî kirin.
Ji Xwedayê mezin hêvîdar im giyanê wan bi himbêz û dilovaniya xwe şad bike û hedar û aramiyê bi malbat û kesuûkarên wan yên serbilind bibexşê. Hêviya bi lez başbûnê ji bo Pêşmergeyên birîndar dixwazim.
Berfirehbûn û berdewamiya gef û êrîşên DAIŞ, peyama ciddî ya tirsnak in û gef û metirsiyekê rasteqîn li navçeyê derdixe holê. Ji bo wê yekê alîkarî û hemahengiya zêdetir di navbera Pêşmerge û Artêşa Iraqê bi piştevaniya Hêzên Hevpeymaniya Navdewletî, pêwîstiyekê bi lez ya nihayî û pêşîne ye.
Em daxwaz dikin mekanîzma wê hemahengiyê di navbera wan aliyên peywendîdar ên Herêma Kurdistanê û Hikûmeta Federaliya Iraqê de bi hevbeşî û piştevaniya hêzên Hevpeymaniya Navdewletî bê çalaktir û berfirehtirkirin û pêk ve bi hemû hêz û şiyanek ve rûbirûyê teroristên DAIŞê û gef û metirsiyan bibin.”
Ragihandina ENKS ê
Qamişlo…Hêvî Delî
