Encûmena Xwecihî ya Rojava li Hesekê ya bi ser ENKSê ve, di roja Yekşemê, 31.10.2021ê de, li navenda encumena xwecihî civîna xwe ya asayî lidarxist.
Civîn bi kêlîkek bêdeng rêzgirtinê ji bo giyanê pakrewanên Kurd û Kurdistanê û di pêşî de, Barzanîyê nemir dest pê kir, û piştre li ser lîsta kar rawestiyan.
di derbarê rewşa rêxistinî de, rapora hatibû ji ofîsa karûbarê encûmenên xwecihî hat xwendin û hemû endam hatin agahdarkirin bi biryarên nû, û tekez kirin li ser pabendî bûna civatan.
Herwiha Ji aliyê siyasî ve, xwecihiyê geşedanên dawîn ên rewşa siyasî li Sûriyê û Kurdistanê gotûbêj kirin.
Civatê gera şeşan ji civîna Komîteya Destûrî ya Sûriyê, û performansa endamên Kurd (nûnerên Encûmena Niştimanî ya Kurdî) di Komîteyê de, û ku performansa wan ne di asta pêwîst de bû nirxandin
Li hêleke din, endaman gefên Tirkiyê yên vê dawiyê, û pêwîstiya Rûsiya û Amerîkayê bi pabendbûna bi sozên xwe yên berê re gotûbêj kirin, û divê rêveberiya bi ser PYDê ve, bi riya rawestandina dubare li ser sînoran û avêtina siloganan û bilindkirina alayan, ya ku Tirkiyê li ser sordike ku êrîşên Tirkiyeyê yên li ser herêmên me rewa nîşan didin.
Herwiha civatê behsa xebatên civakî yên encumenê, giringiya peywendiya bi kesayetiyên netewî û civakî û xurtkirina rola encûmena civakî kirin û di vê çarçoveyê de biryar hat dayîn ku ahingek rêzgirtin ji kesayetiyên civakî û netewî yên nêzîkî ENKSê were lidarxistin.
Ragihandina ENKSê
Raport:Elî Fetah
