Bi boneya 11emîn salvegera koçkirina têkoşer û xebatker “Isma’îl Umer”şandek ji xwcihiya Dirbêsiyê û gundewarê wê ya pakrewan Ciwan Elqutina ya bi ser ENKSê ve, di roja Duşemê 18.10.2021ê de, serdana gora têkoşer Isma’îl Umer ,li gundê Qerequyê yê bi ser bajarê Dirbêsiyê ve, li Kurdistana Sûrî kirin.
Herwiha şanda xwecihiyê bi serokatiya serokê xwecihiyê M.Umer Emo bû.
Di derbarê vê yekê de, cîgirê serokê xwecihiyê M.Elî Fetah ji malpera me ya ENKSê re ragihand û anî ziman.
“îro danê sibê me serdana gora têkoşer Isma’îl Umer , me li ser gora têkoşer bi navê xwecihiyê axaftinek kir û di axaftina xwe de, diyar kir em wek xwecihiya Dirbêsiyê wek wefedarî ji 11emîn salvegera têkoşer Isma’îl Umer vedijînin.
Herwiha Fetah, di axaftina xwe de, rola têkoşer Isma’îl Umer di qonaxa derbasbûyî de, li seranserî tevgera kurdî ya Sûrî û kurdistanî bi awayekî bilind nirxand,
Û ji aliyekî din ve, cîgirê serokê xwecihiyê li ser welatparêziya malbata têkoşer Isma’îl Umer axivî û tê de diyar kir ku ev malbat cihê berpirsiyariyê ye û bi dehan tevlî refên Pêşmergên Roj bûn û qurbanî danîne wek pakrewan Rodî Emo va gora wî li ber çavên me ye.
Herwiha Fetah bi zelalî ev roja xemgîn nirxand û tê de diyar kir, ku îro gelek şandên cuda serdana gora têkoşerê nemir Isma’îl Umer kirin hin aliyên partiyên tevgera kurdî û hin rewşenbîr û nivîskarên bi bîr û baweriya netewî bûn û hemû şanda piştî ku serdana gora têkoşer Isma’îl Umer dikirin serdana gora pakrewan Rodî Emo yê pêşmergên Roj dikirin û wêneyê Elfatîha dixwendin weke wefedarî.
Ragihandina ENKSê / Dirbêsiyê
