Encûmena Xwecihî ya Rojava li Hesekê ya bi ser ENKSê ve, di roja Yekşemê, 3.10.2021ê de, li navenda encumena xwecihî civîna xwe ya asayî lidarxist.
Civîn bi deqeyek rêzgirtinê ji bo giyanê şehîdên Kurd û Kurdistanê û Mela Mistefa Barzanîyê nemir dest pê kir, û piştre li ser lîsta kar rawestiyan.
di derbarê rewşa rêxistinî de, rapora hatibû ji ofîsa karûbarê encûmenên xwecihî hat xwendin û hemû endam hatin agahdarkirin bi biryarên nû, û tekez kirin li ser pabendî bûna civatan.
Herwiha Ji aliyê siyasî ve, endaman geşedanên dawîn ên rewşa siyasî li Sûriyê û Kurdistanê gotûbêj kirin.
Herwiha Endaman xwepêşandana dawîn, ku ji hêla her du encûmenên xwecihiyên Hesekê ve yên bi ser ENKSê ve hatibû lidarxistin, li ser bingeha biryara Emîndariya giştî ya ENKSê, nirxandin.
Û di derbarê wê de, Endaman tundûtûjiya ku koma bi navê (Ciwanên Şoreşger) li ber çavên hêzên ewlekariya PYDê li dijî alîgirên ENKSê pêk anî şermezar kirin.
Û Ji aliyekî din ve, endaman bang li rêveberiya Yekîtiya Demokratîk kirin ku berpirsiyariyên xwe bi cîh bîne ji bo dabînkirina pêdiviyên herî bingehîn ên jiyana rojane li deverên di bin kontrola wê de,wekî pêkanîn.
Herwiha Endaman çalakiyên civakî yên Encûmenê, girîngiya danûstendina bi kesayetên neteweyî û civakî re, û zêdekirina rola Encûmena civakî nîqaş kirin.
Endaman beşdarbûna nûnerên Encûmena Niştimanî ya Kurd di şandeya hevbeş a opozisyona Sûrî de, di civînên Neteweyên Yekbûyî de, bilind dinirxînin, û ev serkeftineke din e ku li ber destê dîplomatê Encûmena Niştimanî ya Kurd hatiye tomarkirin.
Ragihandina ENKSê
Raport:Elî Fetah
