Encûmena Xwecihî ya Rojhilatî Hesekê ya bi ser ENKSê ve,di roja pêncşemê,2.9.2021ê de,li Hesekê civîna xwe ya asayî lidarxist.
Di derbarê naveroka civatê de,endamê xwecihiya Rojhilatê Hesekê ya bi ser ENKSê ve,Birêz Mihemed Fetah ji malpera me ya ENKSê re ragihand û anî ziman:
“Civîna me ya asayî bû û em li ser mijarên giring rawestiyan ,
Di destpêkê de civat rawestiya li ser giyanên pakrewanên Kurd û Kurdistanê û giyanê Mela Mistefa Barzaniyê nemir.
di derbarê rewşa rêxistinî de, rapora hatî ji ofîsa karûbarê encûmenên xwecihyan hat xwendin û hemû endam hatin agahdarkirin bi biryarên nû , Û hat tekez kirin li ser pabendîbûna civatan”.
Herwiha Fetah got jî:
“Xwecihî rawestiya li ser hemû bûyerên herî dawî yên siyasî û bi taybet li ser rewşa kurdî -kurdî di derbarê têgihiştinên herî dawî ji danûstendinên Kurdî yên di navbera ENKSê û PYNKê de.
Civat rawestiya li ser hevdîtina desteya serokatiya ENKSê bi şanderê Emrîkî re.
Herwiha civat bi awayekî berfireh rawestiya li ser naveroka civata ENKSê ya herî dawî
Û di nav de,amedebûna kongirê ENKSê yê ku hatiye destnîşankirin ku were lidarxistin hat gengeşekirin”.
Herwih Fetah got jî:
“Ji aliyekî dî ve jî civat rawestiya,li ser êrîşkirin û topbarankirinên herî dawî li ser bajarê Til Temir û Ebû Rasên û gundewarê wan ji aliyê Tirkiya û komê çekdar yên bi ser wê ve,di derbarê wê de civatê bi tindî şermezar kir.
Ku devera Zirkan Ebû Rasên, tê de bû û di encamê de xelik ji gund û bajarên xwe koçber kirin.
Herwiha civat rawestiya li ser rewşa aborî, bi taybet piştî daketina nirxê lîreya Sûrî li hemberî nirxê Dolarê Emrîkî û estengiyên jiyanê ,
Ji ber ku kirîza aborî bandorek neyinî li ser jiyana xelkê dike , Ya ku dibe sedemek ji sedemên guhertina dîmuxrafî,ji ber ku xelk koçber dibin û ji aliyekî dî jî rewşa ewlehî ber bi xerabiyê ve diçe , Ji ber ku dizî û kuştin û revandin “.
Wek tê zanîn du xwecihî li bajarê Hesekê Hene yên bi ser ENKSê ve,ya Rojava û Rojhilat.
Ragihandina ENKSê
Raport:Elî Fetah
