Di roja şemiyê 10ê Tîrmeha 2021an de, endamê desteya serokatiya encûmena Niştimanî, M.Mihemd Isma’l semînarek bi hejmarek ji rewşenbîr û ramiyariyan re yên li Elmaniya dijin bi rêya tora civakî , lidarxist.
Di derbarê naveroka vê hevdîtinê de, mamoste Mihemed Emîn Umer nûnerê Tevgera Çaksazî ya Kurdî li Sûrî di nûnertiya ENKSê ya Ewropayê de, ji malpera me ya ENKSê re bi riya telefonê ji Elmaniya ragihand û anî ziman:
” Di destpêkê de,M.Mihemed Isma’îl axivî li ser aliyê niştîmanî yê Sûrî û berdewamiya kirîza Sûrî ji aliyê wêrankirinê ji destpêka şoreşa Sûrî de.
Û tevî ku pir civatên di navbera welatên herêmî û welatên ku beşdarî li ser xaka Sûrî tên lidarxistin.
Herwiha Umer got jî:
” M.Mihemed Isma’îl, di derbarê danûsitendinên Kurdî yên di navbera ENKSê û PYNKê de jî şîrove kir, sedemên rawestandina diyalokê jî anî ziman, û pêşketinên herî dawî jî da xuyakirin û tekez kir li ser giringiya berdewamî û serkeftina wê, piştî rakirina tiştên neyinî û kiryarên xerab yên ku danûsitendinan radiwestand ku bên bidawî kirin”.
Herwiha mamoste M.Mihemed Isma’îl, rawestiya li ser guhertina demografî û binpêkirinên di derheqê xelkên resen yên herêmên Kurdistana Sûrî ( Efrîn, Girê Spî û Serê kaniyê) ji aliyê Tirkiya û komên Çekdar yên bi ser wê ve.
Û ji aliyekî dî jî semînar rawestiya li ser têkiliyên ENKSê bi opozisyonê bi giştî û bi taybet bi Îtîlafa Sûrî re”.
Herwiha Umer got jî: “Semînare rawestiya li ser amadekariyên kongirê 4emîn yê ENKSê”.
Di dawiyê de, hemû mijarên hatibûn şirovekirin, hatin gengeşekirin û diyalog dewlemend bû bi nêrînên beşdaran.
Ragihandina ENKSê
Raport:Elî Fetah
