Endamê destaya serokatiya ENKSê û endamê şanda danûsitendinê,
M.Silêman Oso, di derbarê zaniyariyên herî dawîn li ser danûsitendinên Kurdî yên ku hatine sekinandin Ji çend heyvan de di navbera ENKSê û PYNKê de ji malpera me ya ENKSê re ragihand û anî ziman:
“Em wek ENKSê helwesta me diyar kiriye ji destpêka van danûsitendinan, û anha jî me hazirkirina xwe kiriye û diyar kir, ku ev danûsitendin dîsa dest pê bike bi dabîn kirina Emrîkan û fermandarê HSDê, ji ber ku ew aliyên çavdêr in ji van danûsitendinan”.
Herwiha Oso got jî:
“ENKSê ji aliyê xwe ve, kar dike ku ev danûsitendinan bi serkeve û naxwaze ku ev diyalog binkeve, ji ber ku serkeftina van danûsitendinan giringe ji bo berjewendiyên gelê kurd li Kurdistana Sûrî û hemû pêkhatiyên di herêmên Kurdî de”.
Herwiha M.Silêman Oso di dawiya axaftina xwe de, anî ziman û got:
“Rewş erêniye mimkin e(gengaz) ku di demek nêzîk de, her du alî (ENKSê û PYNKê) bi hev re bicivin, û aliyê çavdêr dikarin li hember aliyê ku astengiyan li hember aktîv kirina danûsitendinan re derdixin sînorekî ji wan re dînin”.
Wek tê zanîn, serkeftina van danûsitendinan wê erênî be ji bo parastina berjewendiyên gelê kurd di Sûriya siberojê de, û wê xwedî rolek giring û Stratêjîk be li ser masa civaka navdewletî û bi bandorek erênî be li ser hemû pêkhatiyên gelê Sûrî.
Ragihandina ENKSê
Raport:Elî Fetah
