Welatiyên bajarê Qamişlo Bi helkeftina nêzîkbûna cejna Remezanê ya sala 2021an , amadekariyên xwe dikin ji bo dabînkirina pêdeviyên cejnê û di vê derbarê de tevgera xelkê di nava bazarê de zêde dibe.
Û herwiha di derbarî çarçoveya rewşa xelkê û kirîn û firotina di nava bazarê de malpera ENKS ê nerînên xelkê şopand,
Û her li ser vê mijarê bazirganiyek di nava bazarê de anî ziman û got:
” tevgera welatiyan di van demê cejnê de pir geş û çalakbûye , ku cil û berg û hemû alav û xwestekên cejnê bikirin û bi kêf û xweşî pêşwaziya cejnê bikin”.
Û ji rexekî dî ve welatiyek diyakir ku rewşa aborî ya aloz bandoreke neyînî li ser Jiyana xelkê dike ji sedema buhabûna nirxê hemû kelûpelan , taybet bi nêzîkbûna cejna Remezanê.
Û herwiha berdewam kir û got :
” ji bilî daketina Nirxê dolar di vê dema dawî ku berî niha pir bilind bûbû, lê nirxê kereseyan hin nehatiye daketin û bi vî awayî beşek ji hemwelatiyan nikarin tevahiya xwestekên cejnê ji Zarokên xwe re bikrin û bidest bixin”.
Û herwiha nexweşiya koronayê û qedexeya hatûcûnê di vê dema bûrî de û rawestandina kar jî bûn sedemên sereke ji belengezî û zehmetiya jiyanê ji aliyê rewşa aborî ji bo welatiyan li Kurdistana sûriya..
Û her daxwaz û hêviyên welatiyan ku kesên berpirsiyar û firoşkar ku bibin alîkar bi miletê xwe re , taybetî di vê rewşa aborî ya zehmet de….
Ragihandina ENKS ê
Raport: Hêvî Delî
