Di siba roja duşemê 3ê heyva gulanê sala 2021ê de,ciwanekî kurd ji kurdên Kurdistana Sûrî bi navê Şînwar Xelîl Abê li herêma Kurdistanê li bajarê Duhokê xwe kuştiye.
Li gorî şopandina nûçegehanê me, di derbarê vê bûyerê de,çavkaniyekî taybet nêzîkî bûyerê, ji malpera me ya ENKSê re ragihand û anî ziman:
“Di siba roja duşemê 3ê vê heyva gulanê ciwanekî kurd ji kurdên Kurdistana Sûrî bi navê Şînwar Xelîl Abê li herêma Kurdistanê li bajarê Duhokê xwe kuştiye û kuştina wî, xwe bi ben bidarvekiriye ta jiyana xwe ji dest daye”.
Herwiha çavkaniyê taybet got:
“Ev ciwanê xwe kuştiye temenê wî 27 salî ye û bavê du zaroka ye, û ew tenê wek ciwanekî ji dê û bavê xwe ye, û ji gundê Cewheriya ye yê bi ser bajarê Amûdê ve li Kurdistana Sûrî”.
Wek tê zanîn di roja ku vî ciwan xwe kuştiye,termê wî ji Herêma Kurdistanê hat veguheztin ji bo Kurdistana Sûrî li gundê Cewheriya û hat binaxkirin Û sedema kuştinê ne diyare.
Hêjaye gotinê ku di van herdu salên dawî de,hejmara yên xwe bi destên xwe dikujin zêdebûye û piraniya wan jî temen bicûkin ji ber alozî û nexweşiyên derûnî û birsên civakî û aborî .
Ragihandina ENKSê
Raport:Elî Fetah
