Di roja duşemê 21.12.2020an de, hevdîtinek di navbera partiya Yekîtî Kurdistanî li Sûriya û Tevgera Çaksaziya Kurdî – Sûriya li bajarê Qamişlo li navenda PYKSê hat li darxistin,
Û mijarnî giring hatin gengeşekirin.
Herwiha şanda TÇKSê bi serokatiya hevrêzê giştî yê TÇKSê mamoste Fêsel Yûsif û endamên ofîsa cîbicîkar
Ev şand hat pêşwazîkirin ji aliyê sekretêrê partiya Yekîtî Kurdistanî li Sûriya mamoste Silêman Oso û hin endamên ofîsa siyasî.
Herwiha her du alî bûyerên siyasî yên nû giftûgo kirin,û bi awayekî berfire li ser danûsitendinên Kurdî yên tên kirin di navbera ENKSê û PYNKê de,
û tekez kirin li ser giringiya berdewamiya van danûsitendinan.
û bi dawîkirina wê bi encamên serkeftî ji bo yekrêzî û yekhelwesta Kurdî û çareseriya hemû xalan li gorî berjewendiyên gelê Kurdê li Kurdistana Sûriya yê.
Herwiha her du alî rawestiyan li ser êrîşkirinên herî dawî li ser ofîsên encûmenên xwecihî û partiyên bi ser ENKSê ve.
Herwiha li ser rewşa ENKSê baş hat sekinandin û tekez kirin li ser pêdekariya wê ji ber ku dibînin ENKSê navnîşaneke neteweyî ye û divê parastina wê bibe.
Tekez kirin li ser giringiya van dîtinên hevbeş ji bo nêzîkirina di raman nerînan de.
Di heman demê de,tevgera Kurdî çalak e û li ser piya ye û karê rasteqîne dike ji bo parastina mafê gelê kurd, Ji ber vê yekê dîtinên bi nirx û hevbeş li ser asta destayên bilind û hevbeş tên li darxistin
Ragihandina ENKSê
Raport:Elî Fetah
