DIRBÊSIYÊ : LI SER DAXWAZA XWECIHIYA PAKREWANA CIWAN ELQUTNA HEVDÎTINEK BI MAMOSTE SILÊMAN OSO RE HAT LI DARXISTIN…
Di roja duşemê 30.11.2020an de,danê êvarî katijmêr 5ê êvarî li ser daxwaza encûmena xwecihî ya bajarê Dirbêsiyê û gundewarê wê ya pakrewan Ciwan Elqutna ya bi ser ENKSê ve,hevdîtinek bi endamê desteya serokatiya ENKSê re, mamoste Silêman Oso sekretêrê partiya Yekîtî Kurdistanî li Sûriya li ofîsa xwecihiya bajarê Dirbêsiyê hat li darxistin.
Herwiha bi beşdarbûna endamên xwecihiya pakrewan Ciwan Elqutna û bi beşdarbûna rêxistin û nûnerên partiyên bi ser ENKSê ve.
Herwiha di destpêkê de,serokê xwecihiya bajarê Dirbêsiyê û gundewarê wê bi xêr hatina hemû mêvanên beşdar û mamoste Silêman Oso kir.
Herwiha xulekek bê deng li ser giyanên pakrewanên kurd û Kurdistan û di pêşî de li ser giyanê Barzaniyê nemir rawestiyan.
Herwiha mamoste Silêman Oso,rawestiya li ser nirxandina kar û xebata ENKSê û piroja wê yî neteweyî û rola wê ya giring di nav civaka navdewletî de.
Herwiha Oso li ser hemû bûyerên herî dawî yên siyasî û bi taybet li ser rewşa kurdî -kurdî di derbarê têgihiştinên herî dawî ji danûsitendinên Kurdî yên tên kirin di navbera ENKSê û PYNKê de.
Û tekez kir li ser giringiya serkeftina van danûsitendinan ji bo parastina mafê gelê kurd di Sûriya siberojê de.
Herwiha Oso rawestiya bi awayekî berfire li ser kar û xebata ENKSê di hindirê opozisyonê(Itîlaf) de.
Herwiha Oso rawestiya li ser serdana şanda serokatiya ENKSê ji bo herêma Kurdistana başûr.
Herwiha endamê serokatiya ENKSê, rawestiya li ser armanca serdanan û hevdîtinên şanda Eniya Aştî û Azadî bi welatên xwedî bandor li ser rewşa Sûriya.
Ragihandina ENKSê
Raport:Elî Fetah