di roja pêncşemê 29.10.2020,an de, encûmena xwecihî ya bajarokê Til Temir ya bi ser ENKSê ve, bi beşdarbûna hemû endaman civîna xwe ya asayî li ofîsa Xwecihiyê li bajarokê Til Temir lidarxist,û li ser lîsta kar sekinîn bi rêkûpêk.
Di destpêkê de xulekek bê deng li ser giyanên pakrewanên Kurd û Kurdistan û di pêşî de li ser giyanê Barzaniyê namir rawestiyan .
Di derbarê naveroka civatê de,birêz Ekrem Zeydo endamê serokatiya xwecihiya bajarokê Til Temir ji malpera me ya ENKSê re ragihand û anî ziman:
” Civata xwecihiyê ya asayî bû û civata me li ofîsa xwecihiyê li darxist, Herwiha di derbarê rewşa rêxistinî,rapora hatî ji ofîsa karûbarê encûmenên xwecihî hat xwendin û hemû endaman hatin agahdar bi biryarên nû yên hatibûn derandin ji aliyê Emîndariya giştî ya ENKSê,
Û civat bi awayekî berfire li ser rewşa rêxistinî gengeşekir,di derbarê pêşketina xwecihiyê de û bi cihînana wê di nav cemaweran de”.
Herwiha birêz Ekrem Zeydo got jî:
” Xwecihî li ser rewşa siyasî axivî,bûyerên herî dawî yên nû li ser qada navdewletî û herêmî û kurdî – Kurdî.
û di derbarê wê de,Serokê xwecihiyê mamoste Qasim Xelîl bi taybet li ser encamên têgihiştinên danûsitendinên di navbera ENKSê û PYNKê de,yên tên kirin rawestiya,ya ku armanc jê yekrêzî û yekhelwesta Kurdî li Kurdistana Sûriya”.
Herwiha Zeydo got:
” Civat rawestiya li ser rewşa herêmên Kurdistana Sûriye(Efrîn,Girê Sipî û Serê kaniyê….) û karên xerab yên ku rojane, di derheqê gelê wê yê resen dibe ji aliyê komên çekdar yên bi ser Tirkiya ve, ku ev zêdeyî salekê bûye.
Herwiha xwecihî rawestiya li ser hevdîtina desteya serokatiya ENKSê bi şanda wezareta derve ya Siwêdî re li ofîsa ENKSê li Kurdistana Sûriya li bajarê Qamişlo”.
Ragihandina:ENKSê
Raport:ELÎ Fetah
