TIL TEMIR : ŞANDEK JI RÊXISTINA TIL TEMIR Û GUNDEWARÊ WÊ YA PDKSÊ SERDANA OFÎSA XWECIHIYA KIRIN ..

Di roja înê 23.10.2020an de,şandek ji rêxistina Til Temir û gundewarê wê ya PDKSê serdana ofîsa encûmena xwecihî ya bajarê Til Temir kirin ya bi ser ENKSê ve,bi boneya vekirina ofîsa xwecihiyê û pîrozbahiya wê.

Herwiha şanda rêxistina Til Temir û gundewarê wê ya PDKSê bi serokatiya mamoste Cemîl Hisên endamê komîta navendî  û hin ji endamên rêxistina Til Temir û gundewarê wê.

Herwiha şand hat pêşwazîkirin ji aliyê serokê xwecihiya bajarê Til Temir mamoste Qasim Xelîl û hin endaman.

Di derbarê vê yekê de,mamoste Qasim Xelîl serokê Xwecihiya bajarê Til Temir ji malpera me ya ENKSê re, ragihand û anî ziman:

“Serdana şanda rêxistina Til Temir û gundewarê wê ya PDKSê ji encûmena xwecihî ya bajarê Til Temir ya bi ser ENKSê ve,ji bo pîrozbahiya wê bû li ser vekirina ofîsa xwecihiya Til Temir ya bi ser ENKSê ve, ji nuh ve”.

Herwiha mamosta Qasim Xelîl got:

“Di derbarê vê serdanê de,hemû bûyer û pêşketinên herî dawî yên siyasî li ser qada Sûriye bi awayekî giştî û qada Kurdistana Sûriye bi taybet hatin gengeşe kirin.

û bi awayekî berfire li ser pêşketinên herî dawî ji danûsitendinên Kurdî yên tên kirin di navbera ENKSê û PYNKê de jî hat gengeşekirin ya ku armanc dike ji bo yekhelwest û yekrêziya Kurdî li Sûriya”.

Herwiha mamosta Qasim Xelîl di dawiya axaftina xwe de anî ziman û got:

“Şanda  di dawiyê de,bi navê rêxistina Til Temir û gundewarê ya PDKSê wênê serokê Bavê neteweya Kurdî Barzaniyê nemir û serdarên kurdan diyarî ofîsa encûmena xwecihî ya bajarê Til Temir ya bi ser ENKSê ve kirin “.

Ragihandina ENKSê
Raport:Elî Fetah