Diho di roja şemiyê 20.10.2020an de,şanda nûnertiya Wezareta Siwêdê ya derve li bajarê Qamişlo li Kurdistana Sûriya li ofîsa ENKSê bi destaya serokatiya ENKSê re civiya.
Di derbarê naveroka serdana şanda nûnertiya wezareta derve ya Siwêdî ji destaya serokatiya ENKSê re,
mamoste Fêsel Yûsif endamê desteya serokatiya ENKSê ji malpera me ya ENKSê re ragihand û anî ziman:
“Îro danê sibeha di roja sêşemê 20.10.2020an de,şanda nûnertiya Wezareta derve ya Siwêd serdana ofîsa ENKSê kir li bajarê Qamişlo li Kurdistana Sûriya , û Ev serdan ji aliyekî ji bo şopandina rewşa herêmên Kurdî û rewşa kocberan û xelkên herêmê
û rewşa aborî , Ji ber wek welatê Siwêd rolek wê yî giring heye di derbarê alîkariyan de ji bo penaber û koçberan de “.
” Di derbarê wê de,ta karibin raportên xwe bi rêkûpêk bi kar bînin wek berî demekê roleke wan ya giring hebû di wê raporta hatibû belavkirin di derbarê binpêkirinên komên çekdar li herêmên Kurdî(Efrînê) û şanda Siwêdî bi zelalî diyar kir ku em hemû ev binpêkirinan şermezar dikin li herêmên kurdî(Efrînê,Girê Sipî û Serê Kaniyê )û tekez kirin li ser dawîbûna van binpêkirinên komên Çekdar û divê hemû koçber û penaber vegerin ser mal û milkên xwe”.
Herwiha mamoste Fêsel Yûsif got jî :
“Ji aliyekî din jî şanda Siwêd danûsitendinên Kurdî yên tên kirin di navbera ENKSê û PYNKê heke birêve bibe wê rûpelek wê yî dîrokî hebe û di derbarê wê de,wê wek welatê Siwêd rolek wê yî giring hebe û tekezî kirin li ser piştgirtiya van danûsitendinan û tekezî kirin li ser hevdîtina hemû aliyên ku piştgirtî û piştevaniya van danûsitendinan dikin.
Û tekez kirin li ser çareseriya Sûriya bi giştî”.
Herwiha Yûsif got jî ji malpera me re :
“Di derbarê danûsitendinên Kurdî yên tên kirin di navbera ENKSê û PYNKê em tekez dikin li ser berdewamiya van danûsitendinan ta birêve bibe û em dibêjin ev danûsitendin ne ji bo du roja ye,
ji ber ku hin ji me re dibêjin bira hûn nikarin van danûsitendinan bibin serî,
lê em ji wan re dibêjin belê em dikarin bibin serî.
Em dixwazin ev danûsitendin bi rêkeftinek hemû daxwazên gelê me bi cih bikin û pirsgirêkên wan çareser bibin û razîbûna hemû gelê me be,
û em dixwazin guhdanek navdewletî li van danûsitendinan bibe ya ku berî demekê kesekî riya xwe bi me nedixistin,lê anha wek tê diyarkirin hemû welatên xwedî bandor şandên wan herêmên Kurdistana Sûriya dişopînin bi awayekî berpirsiyarî.
Û em di derbarê vê yekê de,em dixwazin dengên xwe bighînin van aliyên xwe dibînin piştgirt û piştevaniya van danûsitendinan em ê bi awayekî kurdayetî û berpirsiyarî van danûsitendinan bibin serî “.
Ragihandina ENKSê
raport:Elî Fetah û Hêvî Delî
