Wek tê zanîn herêmên Kurdistana Sûriye berî kirîza Sûriya bi çandiniya Pembû navdar bûn, Bi taybet herêma Serê Kaniyê û Zirgan.
û li gorî zaniyariyan hîn pembûyê hin cotkaran yê par berî ku Tirkiya û komên Çekdar yên bi ser wê ve, êrîşî herêma bajarê Serê Kaniyê û deverên Zirganê bike li dare.
Di derbarê vê yekê de,çotkarekî pembû li herêma Zirganê bi navê Riyad Elhezîn ji malpera me ya ENKSê re ragihand û anî ziman:
“Wek hûn dizanin bi taybet cotkarên pembû zanin mesrûfa pembû pir e , Û ti piştgirtî jî ji me re tuneye ji bo çandiniya wê “.
Herwiha Elhezîn got:
” Heke pembûyê me bi nirxekî baş neyê kirîn em ê pir zerarê bibînin û em ê nikaribin salên bê çandiniya Pembû bi kar bînin.
wek anha rêveberiya xweser ya bi ser PYDe ve ji bo kirîna pembû ji cotkaran bi nirxê 750 lêreya Sûriye destnîşan kiriye û bazirganiyan bi nirxê 900 lêreya Sûriye pembû ji cotkaran dikirin”.
Herwiha Cotkar got jî :
“Her du nirx jî erzanin me wek cotkarên pembû li gorî mesrûfa pembû şopandiye bi awayekî hesab her donimek pembû zêdeyî 250000 lêreya Sûriye lê deçe.
Ji ber vê yekê bi kêmasî divê bi nirxê 1500 lêreya Sûriye serê kîlok pembû ji cotkaran bê kirîn,ta karibin çandiniya wê berdewam bikin “.
Herwiha cotkar di dawiya axaftina xwe de spasiya nûçegehanê me kir û daxwaz kir ku dengê cotkaran bighêje cihên berpirsiyar di derbarê çandiniya Pembû de , ta karibin alîkariya wan bikin.
Ragihandina ENKSê
Raport:Elî Fetah
