TIL TEMIR : ŞANDEK JI XWECIHIYA EBÛ RASÊN SERDANA OFÎSA XWECIHIYA BAJAROKÊ TIL TEMIR KIR.

Wek tê zanîn ofîsa xwecihiya bajarokê Til Temir ya bi ser ENKSê ve piştî çar salan di roja Îniya derbasbûyî de, di 25.9.2020an de bi awayekî fermî hatibû vekirin.

Û di derbarê wê de dost û cemawerê ENKSê û aliyên siyasî ji bo boneya vekirina wê serdana wê dikin.

Diho jî di roja şemiyê 3.10.2020an de,şandek ji xwecihiya bajarokê Ebû Rasên bi serokatiya serokê xwecihiyê birêz Mihemed Şêx Beşîr, serdana ofîsa encûmena xwecihî ya bajarokê Til Temir kirin ya bi ser ENKSê ve.

Di derbarê vê yekê de,bi rêz Mihemed Şêx Beşîr serokê xwecihiya bajarokê Ebû Rasên ji malpera me ya ENKSê re ragihand û anî ziman:

“Îro şanda xwecihiya bajarokê Ebû Rasên serdana ofîsa encûmena xwecihî ya bajarokê Til Temir kir ji bo vekirina wê ji nû ve.

Herwiha şanda me hat pêşwazîkirin ji aliyê serokê xwecihiya bajarokê Til Temir birêz Qasim Xelîl û hin ji endamên wê ,

Û şanda me pîrozbahiya endamên xwecihiya bajarokê Til Temir kirin li ser vekirina ofîsa wan ji nû ve ,

Û me her du aliyan kêfxweşiya xwe da diyarkirin li ser vê serdana bi nirx û hin mijarnî giring hatin gengeşe kirin”.

Herwiha Serokê xwecihiya bajarokê Ebû Rasên di dawiya axaftina xwe de got :

” piştî serdanê me wek encûmena xwecihî ya bajarokê Ebû Rasên me li ofîsa xwecihiya bajarokê Til Temir civîna xwe ya asayî li darxist ev tê wateya hevgirtina encûmenên xwecihî yên bi ser ENKSê ve li ser rêbaza pirojeya neteweyî ya Kurdî”.

Ragihandina ENKSê
Raport:Elî Fetah