DIRBÊSIYÊ : ENCÛMENA XWECIHÎ YA BAJAR Û GUNDEWARÊ WÊ CIVÎNA XWE YA ASAYÎ LI DARXIST.
Roja çarşemê 30 – 9 – 2020an demjimêr 5ê êvarî ,encûmena xwecihî ya bajarê Dirbêsiyê û gundewarê wê ya bi ser ENKSê ve,civîna xwe ya asayî li darxist.
Herwiha bi beşdarbûna endamên xwecihiyê,û li ser lîsta kar sekinîn bi rêkûpêk.
Di destpêkê de xulekek bê deng li ser giyanên pakrewanên Kurd û Kurdistan rawestiyan û di pêşî de li ser giyanê Barzaniyê nemir rawestiyan.
Di derbarê vê Civînê de,mamosta Wezna Osê cîgera xwecihiya bajarê Dirbêsiyê û gundewarê wê, ji malpera me ya ENKSê re ragihand û anî ziman:
“Civata xwecihiya bajarê Dirbêsiyê û gundewarê wê civata asayî bû.
Her wiha di derbarê rewşa rêxistinî,rapora hatî ji ofîsa karûbarê encûmenên xwecihî hat xwendin û rapora ofîsa Jinê jî hat xwendin, û hemû endam hatin agahdar bi biryarên nû yên hatibûn derandin ji aliyê emendariya giştî ya ENKSê.
Her wih li ser rewşa xwecihiyê baş hat şirovekirin , Û hin pêşînyar jî hatin sitendin , di der barê pêşketina xwecihiyê de , Û di derbarê wê de jî hat diyarkirin bi firebûna wê”.
Herwiha Osê got:
” Civatê hemû bûyer û pêşketinên herî dawî yên siyasî anî ziman û bi taybet bi awayekî berfire li ser pêşketinên herî dawî ji danûsitendinên Kurdî yên tên kirin di navbera ENKSê û PYNKê de,û di derbarê wê de,rawestiya li ser giringiya serdana şanderê Emrîkî yê taybet ji bo karûbarê Sûriya bi rêz Cêms Cêvrî li herêma Kurdî û hevdîtina wî bi her du şandên ENKSê û PYNKê re,û civatê tekez kir li ser giringiya rola ENKSê ji bo nêzîkirina aliyên Kurdî di vê qonaxa hestiyar de ya ku gelê me yî Kurdî li Sûriye têde derbas dibe”.
Herwiha cîgera xwecihiyê got:
“Xwecihî li ser serdana şanda Eniya Aştî û Azadî ji bo Mosko ya ku hatibû vexwendin ji aliyê wezareta derve ya Rûsiya bi awayekî fermî û hevdîtina wan bi wezîrê derve yê Rûsiya birêz Sîrgî Lavrof re”.
Herwiha mamosta Wezna Osê, di dawiya axaftina xwe de anî ziman û got:
“Civatê hemû mijarên hatin şirovekirin,baş li ser hat gengeşekirin bi awayekî pirs û bersiv”.
Herwiha xwecihî li ser rewşa bajarê Dirbêsiyê û gundewarê wê rawestiya,di derbarê piropagindên xerab û nûçeyên ne rast tên ragihandin bi gefên Tirkiya û komên Çekdar yên bi ser Tirkiya ve,û ev jî dibe cihê metirsiyê li cem xelkên herêmê.
Ragihandina ENKSê
Raport:ELÎ Fetah..