Li Kurdistana sûriyê rêjeyeke mezin ji zarokan ji xwendina xwe dûr ketine û êdî ew tevlî kar dibin , ji bo alîkariyekê ji malbatên xwe re pêşkêş bikin û her ev yek vedgera ji wêran e rewşa aborî ku sedema serekeye ji belengeziya welatiyan û bandorê li ser civakê û Jiyana xelkê dike ,
û nexasim piştî derketina hêla koçberiyê û derbederbûna xelkê ji welatê xwe…
Û herwiha li ser şhopandina me di derbarî vê mijara tevlîbûna zarokan di nava kar de, welatiyek bi navê (Bavê Hozan),karê Dartaşiyê dike ji malpera ENKS ê re ragihand û anî ziman: ” Di herêmên me de wekî em dibînin roj bi roj rewş aloztir dibe û gelek malbat koçber in û hejar in û zehmetkêşiyan dibînin û pêwîstiya wan bi alîkariyê heye ji vê yekê ew neçarin Zarokên xwe ji xwendin û dibistanê dûr bixin û wan tevlî kar bikin ji ber peyda kirina xwestek û pêdeviyên malê derbarî vê rewşa ku ew bi zehmetî Jiyana xwe têde derbas dikin û taybetî di vê salê de ji ber buhabûna nirxê hemû pêdawistiyên dibistanê û dûrbûna dibistanê ji malên wan û bilindbûna nirxê kiriya otombîlan û ev yek dibe barekî giran li ser milê malbatan”..
Û herwiha amaja pê kir di deyardeyê tevlîbûna zarokan di nava karê giran de :” hejmara Zarokên ku dixebitin zêdebûye û ji kêmbûna karkerên Temen mezin ji sedema koçberiyê , em xwediyên kar neçarin zarokan tevlî kar bikin û ew jî bi razîbûna malbatê wan him ji bo fêrkirina kar û him ji bo alîkariya malbatê di vê rewşê de” ..
Û herwiha (Edbelrehman Mihemed)zarokekî kurd Temen “15” salî, li ser erebokê di nava bazarê de kar dike, ji malpera ENKS ê re çîroka xwe got û anî ziman:
” Nêzîkî salekê ye li ser erebokê karê kirîn û firotina kelûpelên cûda dikim, û rojane demjimêrên dirêj di nava bazarê de digerim ji bo peyda kirina pêwîstiyên malbatê yên rojane “.
û herwiha berdewam kir û got :
” ku xwendin li gel wî xwen e ku berdewam bikê lê rewşa aborî ya zehmet û tunebûna aramiyê û mafê zarokan li Kurdistana sûriyê dibe kelem li pêşiya pêkanîna xewn û hêviyên me” ….
Hêjayî gotinê ku rewşa xelkê KurdistanaSûriya pir zehmet dibe roj bi roj ji ber sedemên cuda bi taybetî rewşa Ewlehî û Nirxê Dolar û kirîzên Herêmî û Girtina Derwazeyan.
Ragihandina ENKS ê
Raport: Hêvî Delî
