Îro danê nîvro di roja înê 10.7.2020an de, li Kurdistana Sûriyê li gundewarê Dirbêsiyê di navbera gundê Mişraq, Xatûna, Cewzat, Çolbestan û ta Sêgirê Ortê agirekî dijwar rûda, bi hezarên doniman ji zeviyên pirêze cera pez hat şewitandin.
Lê tîmên vemirandinê nehatin bi hawarçûna xelkên herêmê, bi saya xelkên herêmê agir hat vemirandin.
Di derbarê vê yekê de, welatiyekî bi navê Ahmed Fetah ji peyamnêrê me re axivî û anî ziman di derbarê şewata zeviyan:”Ji destpêka agir de, agahî dane tîmên vemirandina agir, lê mixabin nehatin, Spas ji XWEDÊ re bi xêra xelkên herêmê agir hat vemirandin, Şewata zeviyan ta niha metirsîyeke mezin li cem xelkên herêmê çêdike. Ji ber ku cera lawiran kêm dibe û xelkên herêmê ji niha de ketine hev ji bo êmên lawirên xwe”..
Herwiha Ahmed anî ziman û got:”Gelek beştên êlêtrîkê ji binî de, hatin şewitandin ev tê wateya ku rojek ji rojan ev beştên şewitî wê werin xwar û êlêktirîk li ser van gundan bê birîn”.
Herwiha Ahmed anî ziman û got:”Ziyanî mezin gihîştiye welatiyan pir darên mêwe û bexçeyên şînatî yên hin welatiyan bi taybet li gundê Xatûna hatin şewitandin”.
Herwiha Ahmed tekez kir û got:”Bi taybet dema agir gihişt gundê Xatûna û bi taybet malên li xewleyî gund tije doman bûn kesekî nema kesekî dît û bû qîrîna zarokan ji tirsa”.
Ragihandina ENKSê – Dirbêsiyê
Raport: Elî Fetah
