Ezmûnên pola 9ê bi dawî bû

Îro roja çarşemê “7”ê, tîrmeha “2020” an, ezmûnên dawiya salê li ser asta amedeyî yên pola “9” an, li seranserî Sûriyê bi dawî hat, ku du heftiyan berdewam kirin û xwendevan li navendên cuda ezmûnên xwe pêşkêş dikirin.

Û herwiha derbarî şhopandina me li ser rewşa ezmûnên îsal li gorî salên borî, û astengiyên ku şagirt têde derbas dibûn taybetî di vê rewşa awarte de, mamosteyek ji malpera ENKS ê re li ser vê mijarê ragihand û anî ziman: Ku Îro pêşkêşkirina ezmûna dawî ya zimanê Ingilîzî bû, û herwiha ji bilî zehmetiyên ku xwendevan têde derbas dibûn di kurdistana sûriyê de ji girtina dibistanan û rawestandina kûrsan û qedexeya hatûçûnê ji sedema rêgirtinê ji belavbûna nexweşiya koronayê, û ev yek bo cihê pisgirêkê li nik xwendevanan, lê em weku mamosteyan me alîkarî ji şagirtan re pêşkêş dikir bi rêya Internêtê û çêkirina girûpan li ser torên civakî û armanc ji vê yekê de ku xwendevan li wêneyên xwe temaşe bikin û sûdê jê wergirin, û herwiha îro şagirtên pola “9” an, dikarîbû ezmûnên xwe bi awayekî aramî pêşkêş bikin.

Û herwiha berdewam kir em wek mamoste hêviya serkeftinê ji hemû xwendevanan re dixwazin.

Û hêjaya were gotin ku di “22”ê ,meha Hizêranê de ezmûnên pola” 9″ an ,destpêkirin li gorî biryara wezareta perwerde ya Sûriyê, û ji rexekî dî ve amaje bi wê yekê hatibû kirin ku îsal hejmara şagirtên pola” 9″ an, li seranserî Sûriyê gihiştiya “301145” pêşkêşkarî , û li “2501” navend hatin belav kirin.

Û herwiha ji aliyekî din ve wezareta perwerde ya Sûriyê ragihandin ku hejmara pêşkêşkarên pola “12” an, gihiştiya “210024” xwendevan. Ji wan “128867” xwendevanên şaxê zanistî ne, û” 81557″ yên şaxê wêjeyî ne. Û li “1900” navendên ezmûnan hatin belav kirin.

Ragihandina ENKS ê
Qamişlo…Hêvî Delî