Diho danê sibehê di roja yekşemê 7.6.2020an de , Gêrgeha Rojavayî ya encûmenên xwecihî yên bi ser ENKSê ve, civînek awerte li bajarê Qamişlo li darxist .
herwiha bi beşdarbûna herdu endamên destaya serokatiya ENKSê mamoste Fêsel Yûsif û mamosta Fesla Yûsif herwiha bi beşdarbûna serokê ofîsa karûbarê xwecehiyên bi ser ENKSê ve, mamoste Mihsin Tahir û bi beşdarbûna serokên xwecihiyên gerîngeha rojava li Qamişlo lidarxistin.
Di destpêkê de xulekek bê deng li ser giyanên pakrewanên Kurd û Kurdistan û di pêşî de li ser giyanê Barzaniyê nemir rawestiyan.
Herwiha mamoste Fêsel Yûsif û mamosta Fesla Yûsif axivîn û hemû bûyerên herî dawî yên siyasî anîn ziman û bi taybet li ser hevdîtinên dinavber ENKSê û PYDê de rawestiyan bi awayekî berfire.
Herwiha civat li ser rewşa rêxistinî jî rawestiya, raportên hatibûn ji aliyê xwecehiyan hatin xwendin û persivdana wan hat kirin , û serokê xwecihiyan hatin agahdar kirin li ser biryarên ku ji Emîndariya giştî ya ENKSê re hatibûn derxistin.
Herwiha mamoste Mihsin Tahir axivî li ser pêşketinên herî dawî yên rêxistinî di derbarê karê xwecehiyan de.
Her wiha M.Mihsin Tahir tekez kir li ser giringiya diyaloka kurdî – kurdî ya dinavbera ENKSê û PYDê de,ya ku ti pijarde jê tine li hember tevgera kurdî li Sûriye ji xeynî yekrêz û yekhelwesta kurdî.
Herwiha mamoste Mihsin Tahir axaftina xwe berdewam kir li ser berdewamiya binpêkirinan ji aliyê komên Çekdar yên bi ser Tirkiya ve,di derheqên gelê Kurd yên resen li Efrîn,Serê kaniyê,gundewarê Til Temir,Zirgan û Girê Sipî.
Herwiha civat li ser rewşa aborî jî rawestiya di derbarê rûxandina Lêreya Sûrî li hember bihabûna nirxên Dolar de û zahmetiya xelk ji bo debara jiyana xwe.
Her wiha civat tekez kir, li ser rola serok Masûd Barzanî û serokê Herêma Kurdistanê li ser piştgirtiya wan ji bo dosaya gelê kurd li Sûriye di hemû civatên hevdîtinên navdewletî de,ji bo parastina mafê gelê kurd li Sûriye,û ji bo yekhelwesta Kurdî li Sûriye.
‘
Ragihandina ENKSê
Raport:Elî Fetah
