Diho piştî danê nîvro di roja şemiyê 6.6.2020an de,agirekî dijwar li herêma Kurdistana Sûriye li gundewarê Dirbêsiyê li gundê Ezamiya Elawî ya bi ser bajarê Dirbêsiyê ve, vêket.
Herwiha pir zerar gihişt cotkaran û zeviyên wanî genim hatin şewitandin.
di derbarê vê yekê de çotkarekî ji herêma gundewarê Dirbêsiyê bi navê “Hemîd Hisên” yê ku zeviyê wî hat şewitandin , ji peyamnêrê me re axivî û anî ziman:
“Ev agirê dijwar bi rêkûpêk zeviyên me dişewitîne ji bo ku em ev hin lawirên gedîbûnê yên ku em jiyana xwe li ser debar dikin em wan bifroşin û em têkevin xema debara jiyana xwe”.
Herwiha Hisên axaftina xwe berdewam kir û got :
“Dîsa em dibêjin spas ji XWEDÊ re bera bi mal be û ne bi can be , bi rastî min ji belengazî îsal hinek zeviyê genim bi nêvî çandibû ji bo ku ez pê zarokên xwe xwedî bikim , Lê mixabin nebû nesîb”.
Herwiha Hemîd anî ziman û got:
” Ji aliyekî din jî xwediyê Patozan jî ne bi awayekî sererast alîkarin bi cotkaran re , Heke xwediyê Patozan bi cotkarên Kurdistana Sûriye alîkar bin wê zerera şewatê gelekî kêm be , Ji ber ku xwediyê Patozan herêmên xweyî bingeh dihêlin û berên xwe didin başûrî parêzgeha Hesekê û ciyê û ez Karim bêjim li wê derê pir bi nirxên erzanî paleyê dikin , Lê li herêmên me pir bi nirxên biha paleyê dikin û bi minet”.
Hêjaye gotinê ku rêxistinên xêrxwaziyê bi lez berê xwe bidin wek cotkar Hemîd Hisên ta alîkariya wî bikin û hinek kêfxweşiyê dixin nav zarokên wî de.
Ragihandina ENKSê
Raport:Elî Fetah
