Diho roja Înê 21 ê Reşemeha 2020 an , demjimêr” 1 ê “,piştî nîvro , PDK-s ê salvegera 8emîn li ser şehîdbûna Nesredîn Birhik, vejand , bi seredana gora wî li gundê Kevrê dena, bi amadebûna hejmarek mezin ji xelkên deverê , û herwiha bi hazirbûna nûnerên Partiyên siyasî û encûmena niştîmanî û herwiha rêxistinan sivîl.
Destpêkê de xuleke bê dengî li ser giyanê wî hat rawestandin û fatiha li ser giyanê wî hat xwendin û gorzên gulan li ser gora wî hat in danîn.
Û herwiha piştre gotina Encûmena Niştîmanî ya kurdî li Sûriya ji aliyê serokê ofîsa karûbarên encûmenên xwecihî, M,”Muhsin Tahir” ve, hat xwendin , ku gitina wî bi giştî li ser jiyana pakrewan Nesredîn Birhik û Kar û xebata wî ya siyasî û neteweyî axifî.
Û herwiha gotina PDKS ê, ji aliyê endamê Ofîsa Siyasî, M.Ebdelkerîm Bavê Luqman, ve hat xwendin Û gotina malbata pakrewan Nesredîn Birhik ji aliyê M.Mihemed Şerîf Birhik”, ve hate pêşkêşkirin.
Û herwiha di derbarî vê salvegerê de Berêz “Şemdîn Nebî “, serokê xwecihiya rojhilatî Qamişlo ya bi ser ENKSÊ vê, ji malpera ENKS ê re wiha anî ziman û got : ” Her sal bîranîna pakrewanê gotina rastiyê Nesredîn Birhik em li bîra xwe tînin yê ku bi Kar û xebata xwe ya kurdî û niştîmanperwerî di hat naskirin û di ber doza mafê gelê kurd de xwîna xwe û jiyana xwe kir qorbanî ji bo pêkanîna mafê miletê kurd û Kar û xebata wî di Kurdistana Sûriyê de, ji bo kurd bigihin mafê xwe yê rewa “.
Nebî Axiftina xwe berdewam kir û got:” soza me li ser vê xebatê û rêbaza Berzanî berdewam bin , û ji ber vê yekê li ser me erk û wefadarî û rêzgirtinê bi xwîna pakrewanan bikin û xebata we ya ji bîr nakin”..
tê zanîn ku di 13 ê Sibata 2012 an de, şehîd” Nesredîn Birhik” ji aliyê girûpek nenas ve hate gulebarankirin, û ji bo nexweşxaneya Nor ya bajarê Qamişlo ve hate veguhestin, lê ji ber giranbûna birînên wî hate veguhestin ji bo nexweşxaneya Martînî ya parêzgeha Helebê, û rastî niştagerî hat kirin, lê di roja 22 ê heman mehê de, bavê Ela jiyana xwe ji dest da û şehîd bû, û li gundê Kevrê Dena bi beşdarbûneke mezin ji aliyê partiyên siyasî û rêxistinan û keseyetên siyasî û rewşenbîrî û neteweyî û kesûkarên wî bi axê hat spartin , û her sal di vê demê de tê bi bîranîn…
Ragihandina ENKS ê
Hêvî Delî
