Di roja şemiyê di 3.8.2019an de, li Kurdistana Sûrîyeyê , li gundewarê Dirbêsiyê bi taybet li gundên (Belik, Til Dîk, Qulan û Hemdaniyê) agirekî mezin rûda û li gorî şopandina nûçegihanê me û agahiyan, zîyaneke mezin gihiştiye welatiyan ku gelek tiştên wan hatin şewitandin mîna tovên wan yên di hindira de û alavên avjeniyê..
Di derbarê vê yekê de, welatiyekî ji gundê Til Dîkê bi navê Ebûd Oso jî peyamnêrê me re axivî û anî ziman:”Bi rastî xelkên herêmê nema di hindirê xwe de tên parastin, û ev agir zîyaneke mezin gihişt welatiyan.
Herwiha Oso navên welatên ku ziyan gihiştibû wan diyar kir û navên wan da nasîn, ev in navên wan:
1-Ibrahîm Oso, jî gundê Til Dîkê agir bi embara wî ket û di hindirê embar wî de tovên wî yên nok, çeh û genim û agir bi wan ket.
Herwiha û agir bi marbêcên wî yên avjeniyê jî ketin yên reng reş û spî nêzîkî 500 metrî hebûn.
2-Ezedîn Xalid Ahmed, ji gundê Til Dîkê agir bi maşînê wî yê avjeniyê û marbêcên wî yên avjeniyê nêzîkî 600m metro hebû pê ket.
3-Ezedîn Oso, jî gundê Til Dîkê agir bi baniyê xaniyên wî yên li ser bîra wî ya avjeniyê û marbêcên wî yên avjeniyê nêzîkî 1200m metro hebû pê ket.
4-Baqî Hesen Mîrza, agir bi 35 dolim zeviyê wî yê baqil û nêzîk 700m ji marbêcên wî yên avjeniyê jî pê ket.
5-Reşîd Mihemed Ahmed, agir bi nêzîkî 700m metro ji marbêcên wî yên avjeniyê ket.
6-Hisên Tewfîq Melek, agir bi nêzîkî 600m ji marbêcên wî yên avjeniyê ket.
Herwiha Oso ku nêzîkî 7000 dolim ji zeviyên van gundan hat şewitandin. Û rûdana agir jî nediyare ta niha em bi hêvî ne ev welatî werin qerebûkirin ji hêla komelên xêrxwaziyê.
Herwiha Oso di dawiya axaftina xwe de wiha got: ” spas ji XWEDÊ re bera bi mal be û bera ne bi can be” .
Raport:Elî Fetah
