agirekî dijwar Îro bi zeviyên gundewarê Dirbêsiya Rojavayê Kurdistanê ket, û ziyan gihişte çend gundan bi taybetî gundê Xatûna yê bi ser bajarê Dirbêsiyê ve.
ev agir li gorî şopandina nûçegehanê me ji gundê Mişraq ku pêkhatoyên Ereb têde ne dest pê kiriye , ku ew gund dikeve rojavayê gundê Xatûna , û gorî agahiyan bi hezarên zeviyên pirêzebûn û hin zevî jî hîn nîsk li darbûn hatin şewitandin.
Herwiha ev agir seranserî sînorê sê gundan berdewam kir (Mişraq’Xatûna û Çolbesan)
li gundê Xatûna agir gihişt nav hin xaniyên yên di nav zeviyan de , ev yek gorî wêneyên ku hatin kişandin diyar dibe , Lê bi alîkariya xelekên herêmê nehiştin ziyan bighêje xaniyan ,
Û ta anha ku Agir berdewam e hîn tîmên agirvemirandinê nehatin ji bo vemirandina agir.
Herwiha di derbarê vê yekê de welatiyekî ji gundê Xatûna navê xwe eşkere nekir ji peyamnêrê me re axivî û anî ziman:”Ev agirê dijwar bi rengekî rêxistinî zeviyên me dişewitîne ji bo ku em ajal û Sewalê xwe yê ku em jiyan xwe li ser debar dikin em wan bifroşin û em têkevin xema debara jiyana xwe.
Herwiha welatî axaftina xwe berdewam kir:” agir gihişt nav hin xaniyên welatiyan û tîmên vemirandinê bi ser me de nehatin , Lê bi alîkariya xelekên herêmê nehiştin ziyan bighêje xaniyan spas ji XWEDÊ re û ji xelkên herêmê re ku nehiştin agir bi xaniyan bikeve”.
Raport:Elî Fetah
