Encûmena xwecihî ya Çilaxa ya bi ser ENKSê ve, di roja înê 31.10.2026an de,bi amadebûna M, Neşat Zaza, serokê ofîsa karûbarên encûmenên xwecihiyan civînek lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.
Û piştre lîsta kar gengeşe kirin.
Di civînê de, behsa rewşa rêxistinî hat kirin û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate gengeşekirin .
Di civînê de M, Neşat Zaza li ser geşedanên dawî yên li ser qada Sûriyayê bi giştî û li ser qada Kurdî bi taybetî gengeşe kir.,herwiha derbarî qonaxa niha û guhertinên siyasî yên bilez ên ku li welêt diqewimin nirxand, û girîngiya rola ku Encûmena Niştimanî ya Kurd (ENK_S) di vê qonaxê de dilîze û pêwîstiya xurtkirina hebûna wê ya siyasî û neteweyî ji bo xizmetkirina xwestekên gelê Kurd û doza wan a dadperwer tekez kir.
Zaza her wiha behsa amadekariyên berdewam ên ji bo pêncemîn konferansa ENK_S kir, û girîngiya vê qonaxa rêxistinî û siyasî di pêşxistina performansa Encumenê, xurtkirina rola wê ya siyasî û rêxistinî, û yekkirina hewldan û çavkaniyan li gorî xwestekên gelê Kurd û mafên wan ên neteweyî yên rewa li Sûriyeyê de tekez kir.
Di dawiya civînê de, Birêz Neşat Zaza, Serokê Nivîsgeha Karûbarên Encumenên Herêmî, ji aliyê endamên encûmena herêmî ve ji bo hewildanên wî yên dilsoz û têkoşîna wî ya berdewam di xizmeta doza Kurd de li Sûriyeyê hate xelatkirin.
Ragihandina ENKSê
Qamişlo
