NAVEROKA CIVÎNA ASAYÎ YA OFÎSA KARÛBARÊN ENCÛMENÊN XWECIHÎ YA BI SER “ENKS” VE
Nivîsgeha Karûbarên Encûmenên Xwecihî ya bi ser ENKSê ve, di roja Pêncşemê 26.2.2026 an de, bi amadebûna Serokê Encumenê birêz Mihemed Îsmaîl û Berpirsê Ofîsa Karûbarên Encumenên xwecihî birêz Neşet Zaza civîna xwe ya asayî bi beşdariya gerîngehên Rojhilat û Rojava lidar xist.
Civînê bi deqeyek rêzgirtinê ji bo giyanê pakê şehîdên Kurd û Kurdistanê bi serkêşiya nemir Barzanî destpê kir.
Piştî wê, gotûbêj li ser du xalên sereke hatin kirin:
Yekem – aliyê rêxistinî:
Amadekariyên kongireya pêncemîn hatin gengeşekirin û kar ji bo avakirina komîteyên pêwendîdar ji bo amadekirina wê di qonaxa bê de hat kirin.
Her wiha mekanîzmaya xebatên Encûmenên xwecihî di meha Adarê de hate nirxandin û tekezî li ser pêwîstiya xebateke cidî û aktîf ji bo pêşxistina performansa rêxistinî û bilindkirina asta xebatên saziyan hate kirin.
Duyem – aliyê siyasî:
Li gorî pêwîstiyên qonaxa bê û ji bo bihêzkirina pêgeha Encûmena Niştimanî ya Kurdî, tekezî li ser giringiya serkeftina Konferansa 26ê Nîsanê hat kirin.
Her wiha amadebûyan serdana şanda Encûmenê bo Şamê û hevdîtina wê ligel Wezîrê Derve yê Sûriyê Eshed Elşîbanî û Serokê Komarê Ehmed Elşerih gotûbêj kirin.
Her wiha serdana şanda Encûmenê ya ji bo dewleta Qeterê û bandorên siyasî yên wê di çarçoveya xurtkirina peywendiyan û xurtkirina xebatên dîplomatîk de hat nirxandin.
Di dawiya civînê de amadebûyan çend pirs û pirsiyar pêşkêşî Serokê Encûmenê kirin û bi awayekî berfire bersifa wan hatin kirin.
Ragihandina ENKSê
Rapor: Elî Fetah