ŞANDEKE XWECIHIYA ŞAMÊ YA BI SER “ENKS” VE SERDANA PÊŞANGEHA PIRTÛKAN A NAVDEWLETÎ YA ŞAMÊ KIR.
Şandeke encûmena xwecihî ya Şamê ya bi ser ENKSê ve serdana Pêşangeha Pirtûkan a Navdewletî ya Şamê kir.
Di roja yekşemê 8.2.2026an de,şandeke encûmena xwecihî ya Şamê serdana Pêşangeha Pirtûkan a Navdewletî ya Şamê kir, di çarçoveya hewlên bihêzkirina hebûna çandî ya Kurdî di qada çandî ya Sûriyê de.
Şandeyê hejmarek ji pavyonên pêşangehê venêrtin, berhemên dawî nirxand û serdana pavyona pirtûkên kurdî kir.
Birêz Luqman Oso, serokê encûmena xwecihî ya Şamê, ji peyamnêrê me re tekez kir ku hebûna pavyoneke taybet ji bo pirtûkên kurdî bûyereke berçav e, û pêşketinekê ye di naskirina cihêrengiya çandî û piştgirîkirina berhema rewşenbîrî ya kurdî de, nemaze ji ber ku ew yekem e ji vî rengî li Sûriyê.
Ev serdan di çarçoveya xebatên Encûmenê de, tê ji bo pêşxistina diyalog û pêwendiya di navbera saziyên çandî û fermî de û handana çanda kurdî.
Ragihandina ENKSê
Rapor: Elî Fetah