XWECIHIYÊN HESEKÊ YA ROJHILAT Û ROJAVA YÊN BI SER “ENKS” VE CIVÎNEKE HEVBEŞ LI DAR XISTIN .
Xwecihiyên Hesekê ya Rojhilat û rojava yên bi ser ENKSê ve,bi beşdarbûna serokê ofîsa karûbarê encûmenên xwecihî yên bi ser ENKSê ve, mamoste, Neşet Zaza di roja Şemiyê 31/10/2025an de civîneke girink lidarxistin.
di roja Sêşemê 30.9.2025an civîna xwe ya asayî lidarxistin.
Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.
Mamoste Neşet Zaza, bi dirêjî behsa pêşhatên siyasî li meydanên li ser qada herêmî,navxweyî û navdewletî kir û amaje bi bandorên wan li ser karê Encûmena Niştimanî ya Kurdî kir.
Her wiha dawî li çalakiyên encûmenên xwecihî nirxand, û tekezî li ser giringiya rola wan di nûneratiya encumenê di forumên curbicur de kir, û li ser pêwîstiya lidarxistina civînên demkî ji bo berfirehkirina hevahengiyê û hevkariya hevbeş rawestiya.
Her wiha di civînê de konferansa bê lidarxistin ya Encûmena Niştimanî ya Kurd hate gotûbêjkirin, ku tê çaverêkirin ku bandoreke berçav li ser pêkhateya rêxistinî, komîte û ofîsên wê bike. Di civînê de amadebûyan tekezî li ser giringiya vê konferansê ji bo bihêzkirina yekrêziya Kurdan û bidestve anîna armancên hevbeş yên netewî kirin.
Li hember de jî nûnerên her du xwecihiyên Hesekê tekezî li ser pêwîstiya hevdîtinên demkî û peywendiya berdewam di navbera hemû xwecihiyên encûmenê de kirin û tekezî li ser pabendbûna xwe ji bo xizmetkirina pirsgirêkên gelê Kurd kirin.
Di dawiya civînê de, birêz Neşet Zaza spasiya xwe pêşkêşî nûnerên her du xwecihiyên bajarê Hesekê kir, ji ber hewlên wan ên dilpak û rola wan a çalak di piştevanîkirina pirensîpên Encûmena Niştimanî ya Kurdî de. Her wiha amadebûyan pêzanînên xwe ji bo hevdîtina bi berhem anîn ziman û hêviya berdewambûna xebata hevbeş ji bo xizmetkirina daxwazên gelê kurd anîn ziman.
Ragihandina ENKSê
Raport:Elî Fetah
